اسراب الطيور

مجتمع رجيم / النقاش العام
كتبت : كيان انجرح
-
.
.


( اسراب الطيور )


اللـي يسمـونـه حـزن ما جفل اسراب الطـيـور

مادام اقصى همها تملى الحشى قبل الغياب
لادرهمـت شمـس العصيـر.. ودنقت بين الثغور

ما تخلف الميعاد لو جت بين ضرس وبين وناب
وان عـودت لأعشاشها .. ما مرت بنقطة عـبـور

ما شالت هموم وعتب ودروبها.. كبد السحـاب
وانا .. لي الخلاق مرجي غيره الفرد .. الغفـور

يهـوّن جروحـي قـبل لا ذوب في وسط الثـيـاب
البارحـه ليـلـي سـهـر.. واطلالة افكاري شعور

قل ما يمكن يكن طعنه من اطعـون .. الحراب
ودانـي اطـراف الهلاك وحطني خلف البـحـور

لـكــن تـوسـمـت العفو بالله عن درب الــذهــاب
مريـت فـي كل الـظروف وعقرب الساعه يــدور

سهران لـين اخر نجوم اللـيـل ودعـنـي وغـــاب
ودعيـت ما دام الصبر..اجمل على عزم الامور

ماهمني لوكان اشوف الدرب من خرم العذاب
واقول ما دام الشعر صاحب وفي شهم وغيور

مـن يـوم خاوانـي وانا ما بيني وبينـه حـجـاب
اللـي ليـا مـنـي دعيـته جا..تواضع من غــرور

كنـي بريتـه من بنات الفكر ..سـددتـه وصــاب
اجيب من جمر.الهجوس وضيقتي عود وبخور

وارفـع مقـامي عن مقام اهل المـلامه والعـتـاب
يالله تقدرنـي على دربي وانا.. طبـعي صـبـور

مثل الجمل لامن برك للحمل ما يحسب احساب
اعوذ ..بك من غامض العلم وتناهيـت الصـدور

مـن شـر ..حسـادٍ ما يمتلى عينهم غيـر..تراب
علمـتـنـي مالم اكن اعـلــم..لآن( الـعـلـم نـــور)

واسقيتنـي من فضلك اللهم من عين الـصـواب
صحيـح من غدر.. الزمن والآلسنه دمي يـفـور

كـنــه قـدور الأجودي لا نوخت حـولــه ركــــاب
لاشـب نار .. وزمجرت ترحيب بطوال الشـبـور

يوم الـردي ما همه الا الهرولـه خلـف الـسـراب
مادام عمره مانبت عرق اخضربروس الصخور

لمجد ما يعطى لشخصٍ صك دون الطيب باب
لذا قنصـت وما معي الا .. عديم من الصـقـور

عقب البطـى كنـه يقول اليوم بس الجرح طـاب
مـديـت له كـفي تنهض والتـفـت لفـتة جـســور

اومـيـت لــه بـيــدي تـولـم وابـتدى جز الـرقــاب
اليـن واريت الـحزن والضيقه بجوف السـطـور

وعـودت مـع دربي وقناص الفلس يطرد غــراب


بقلمي / عيسى العنزي
</ul>

التالي

التفكير السلبي والتفكير الإيجابي

السابق

مَُــتٰآأإٱهًــةٌ •°[[ بًقٰلٓمٍيْ ]]°•√~

كلمات ذات علاقة
اسراب , الطيور