يعنى من الاخر كده نحتفل بالمولد النبوى ولا منحتفلش
مجتمع رجيم / النقاش العام
كتبت :
عبير ورد
-
الموضوع بعيد كل البعد عن الخناق الى دايما بيحصل فى المواضيع الى فيها اكتر من راى
لو موافقانى على كلامى تمام شكرا ليكى وجزاك الله خيرا ولو مخلفانى بلاش تجريح يا ستى
اسمعى منى وانتى حره بقى تحتفلى او لا
وجزاك الله خيرا برضه
واحده جارتى بتقول لى انا نازله اجيب بطه عشان الموسم يوم الخميس وبتاع الفراخ عنده بط تحفه اجيب لك معايا
سكت بصراحه
شويه وقالت لى انتى حتعملى اكل ايه فى الموسم ؟
قولت لها جبنه قديمه وبطاطس محمره
بهزززززززرررررر
بصت لى باستغراااااب وقالت لى انتى مبتحتفلييش ؟؟؟؟
قولت لها هو انتى بتحتفلى ليه ؟قال لى عشان بحب النبى؟قولت لها ما شاء الله ربنا يحبك زى ما بتحبى النبى
بس هل ممكن تتخيلى انى عشان مبحتفلش يبقى مبحبش النبى ؟قال لى لا طبعا اكيد بتحبيه
وبعدين حسيت انها مش مقتنعه
قولت لها انتى حتتفقى معايا ان احب الناس للرسول عليه الصلاه والسلام كانوا المهاجرين والانصار
الى سطروا اروع القصص عن حبهم للنبى عليه الصلاه والسلام
قالت لى ايوه
قولت لها طب محتفلوش ليه بذكرى المولد
ولو كاد ده دين كانوا هما والتابعين اكتر الناس تديننا مناا صح ولا غلط
وكمان المؤرخون اختلفوا فى ميعاد ولاده النبى
لقيتها بتقولى المهم انه اتولد فى الشهر ده
قولت لها طيب ما النبى توفى فى نفس الشهر
متهيالى نحزن اكتر ما نفرح !!!!!!!!!!!!!!!
طيب انتوا يا بنات ايه رائيكم لو نعمل مأتم فى الشهر ده حزنا على فراق النبى
حيكون الكلام ده بدعه ولا لا ؟
طبعا فى صور تانيه من الاحتفالات وفيها منكرات كتيير يعنى الاناشيد فيها شركيات كتيير واختلاط النساء بالرجال وووووو
ده اولى اننا منحتفلش
ثلاثة من أصحاب النبي صلى الله عليه وسلم لما سَألوا عن عبادته؛ كأنهم تقالّوها! فقالوا: وأين نحن من النبي صلى الله عليه وسلم؟ قد غُفِرَ له ما تقدم من ذنبه وما تأخر! قال أحدهم: أمّا أنا، فإني أصلي الليل أبداً! وقال آخر: أنا أصوم الدهر ولا أُفطر! وقال آخر: أنا أعتزل النساء فلا أتزوج أبداً! فجاء رسول الله صلى الله عليه وسلم إليهم، فقال: «أنتم الذين قلتم كذا وكذا؟ أما والله إني لأخشاكم لله وأتقاكم له، لكني أصوم وأُفطر، وأُصلي وأَرقد، وأَتزوج النساء، فمن رغب عن سنتي فليس مني»
<span id="twitter_btn" style="margin-left: 6px; ">
</div>