خلاص راحت عليك .. وراحت أيامك , قصيدة راحت عليك - عبير بنت أحمد
مجتمع رجيم / فيض القلم
كتبت :
حنان الروح
-
خلاص راحت عليك .. وراحت أيامك
, قصيدة راحت عليك - عبير بنت أحمد align="right">
, قصيدة راحت عليك - عبير بنت أحمد align="right">
من قصائد الفراق....
~ راحت عليك ~
خلاص راحت عليك .. وراحت أيامك
والحب راحت به الأيام من دونك
يا قلب صحصح.. زمن وابشرك .. ضامك
إلحق جروحك قبل تستفحل طعونك
لو ما ظلام الليالي حس بالامك
ما كان شفناه صابغ وجهه ب لونك
حذرتك امن المسا .. واهديته احلامك ...؟
أو تحسب انه سهر لك لأسود عيونك ؟؟!!
وقت يخونك به الرجال قدامك
ظنك سفيهه .. إلى قفيت بيصونك ؟
اللي حكى لك .. بيحكي فيك لأقلامك
حتى اقرب الحبر يا مسكين بيخونك !!
ما يكفي امن الحبايب جفت عظامك...
للحين ترجي من الحساد يسقونك ...؟!
الطيب ذنبك .. وعيبك طاهر اسلامك
ومع كل هذا.. تبي بالخير يطرونك !!
يا قلب يكفي حرام تقطع ابهامك
كل له الله .. و كان الله في عونك
اليوم ميلاد موتك.. وفر اعوامك
وان شاع ذكرك مصير الناس ينسونك
خلاص راحت عليك .. وراحت أيامك
والحب راح ورجع لي بس .. من دونك
