النقاش العام نقاشات وحوارات تهم المرأة

هل حياتي تستاهل اكمل فيها والالا

الصورة الرمزية وردة ورديه
وردة ورديه
مشرفة لها رحيق الورد
قديم 12-04-2017, 11:20 AM
#1
بِسْم الله الرحمن الرحيم
بداية انا عمري 29 وزوجي 35 وعندي بنت ولنا ثلاث سنين ونص متزوجين
من بداية زواجي والايام الاولى كنت احس زوجي دفش ومايستحي ومايراعي مشاعر احد بس قلت يمكن انا فاهمه غلط لانه هو من بيئة وانا من بيئة لسى ماتعودت عليه وكان خطئي انه يجرحني بكلامه كثير وانا اخذتها انها اختلاف تفكير مو هو دفش ووقح بأسلوبه
كان موظف بمنطقه وانا عند اهلي ورافض تماما يأخذني فقط يجي نهاية الاسبوع يومين ويرجع
طول وقته هناك ساحب علي وين ووين يرد وانا توي مالي كم شهر كنت واحيان يفتح ولايرد ويجي اخر اليوم بس كيفك وشوي يقول بنام سهرت مع العيال وتعبت صرت احس بفراغ كبييير
حملت وانشغلت بالحمل والمواعيد رغم اني وقتها مكسور خاطري مو معبرني ولاشي وإذا جاء نهاية الاسبوع جاني منفس اغلب شي ولا يعبرني
جبت بنتي واستمر الوضع صار بس كيفك وكيف البنت ويختفي لليل احيان يكلمني قبل ينام وكثير لا طبعا كله واتس
بعدها نقل عندنا وفرحت قلت نقرب من بعض ونستقر ولما نقل اكتشفت اشياء كثير فيه ماكنت اعرفها شخص سلبي جدا وضعيف شخصية مع اهله واصحابه لكن علي يتشطر ضربني لأسباب تافهه جدا تكلم علي وعلى اهلي كذا مرا ولأسباب تافهه يكون زعلان ان فريقه خسر وانا بالأساس وقتها مااكلمه لانه متنرفز بس هو يتعمد يتكلم ويسب او يكون زعلان من اهله متكلمين عليه
طبعا عاطفيا جدا مقصر لدرجة حتى يدي يرفض يمسكها يقول ماابغى احد يشوفني كذا!!!
ماينام عندي نجلس نتغدى ونتعشى سوا ووقت النوم كل واحد بغرفه كلمته بكل الأساليب يرجع يوم واللي بعده يروح غرفته وطنشته
انا تزوجت عشان اعف نفسي عن الحرام ابغى شخص يحبني يحترمني اقل شي يقدر اللي اسويه معاه وعلى اساسه يعاملني
زوجي محطمني جدا احس اني قاعده أضيع سنين بس على الفاضي مو مشبعني تصدقون قبل الزواج كنت مااحب اطالع للرجال وبعد الزواج صرت بس اطالع واشوف الفرق واتحسر
زوجي حتى الغيره مايغار ولا هميته احس اني متزوجة اتعاقب حياه تجيب الضيقه
الهدايا مو معترف فيها نهائي كنت اجيب قللولي راح يتعود منك وجبت لين طفشت لدرجة ياخذها بتغليفها يحطها بالدولاب شهور
لاتقولون احمدي ربك زوجك مو مدمن والا مايكلم بنات انا حامده ربي وشاكرته ع كل شي بس انا مو عايشه والله
كلمني/كلميني ع أساس اني اختك هل حياتي تستاهل اكمل فيها والالا بدون تجريح الله يخليكم
ترى انا ماقصرت بالحفلات واللبس والعزايم لحد ماتبلدت لما تجيني ردات الفعل السيئه منه بعدها .. يجرح فيني بالكلام لحد ماابكي من القهر
انتظركم في امان الله

ig pdhjd jsjhig h;lg tdih ,hghgh
اضافة رد

العلامات المرجعية

هل حياتي تستاهل اكمل فيها والالا


« فيـك اذوب اذوب .. يانبـض القلــوب بــــــــــدر عضو في عيون الاعضاء »

أدوات الموضوع
انواع عرض الموضوع


الموضوع كاتب الموضوع المنتدى مشاركات آخر مشاركة
حجابي حيائي عفتي نجاتي وكل حياتي كبرياء بنوتة الموضوعات الاسلامية المميزة .. لا للمنقول 13 03-16-2013 11:49 PM
عطيتك حياتي وفرطت فيها ✿هَـمَسْ الـمَـشَآاعٍرْ✿ فيض القلم 5 05-19-2012 02:49 PM
موقف محرج ،،، ولكن تستاهل !!! ღ♥ بسمة الحياة ღ♥ الحياة الأسرية 11 06-24-2011 04:15 PM
اطلب الطلاق ولا اكمل حياتى عيون حزينة2011 أرشيف رجيم 13 06-10-2011 10:43 PM
تشكيلة ساعات تجنن ..تستاهل ايديكم ..::[(kinzi)]:::. الأكسسوارات والذهب 20 10-13-2010 08:16 PM

الساعة معتمدة بتوقيت جرينتش الساعة الآن 03:05 AM. : .
المواضيع و التعليقات المنشورة لا تعبر عن رأي مجتمع رجيم ولا نتحمل أي مسؤولية قانونية حيال ذلك (ويتحمل كاتبها مسؤولية النشر)
جميع الحقوق محفوظة Rjeem 2015
Powered by vBulletin® Version 3.8.7, Copyright ©2000 - 2018, Jelsoft Enterprises Ltd.
Content Relevant URLs by vBSEO 3.6.0
منتدى رجيم منتدى مستقل