اهليييين بنااات شخباركم ؟؟ معليشش العنوان فيه غلط :p بدل الكرامة " الكثافة"
هذا أول موضوع لي ومن تجربتي مو منقول ولا شيء وحبيت اشارك بهالقسم لانه القسم المفضل عندي هو العناية بالبشرة والجسم كامل
كلنا نعرف انو زينة البنت بشعرها
انا كان شعري طويل جدا ومن هبلي رحت قصيته لكتفي وصبغته والله لا يرويكم تقصف شعري جدا وكانت حالة امو حاله
ع العمووم صرت استخدم لشعري خلطة السدر
مكوناتها :
جيبي قدر صغير حطي فيه فصين ثوم قسميه نصفين وبصلة متوسطة قسميها 4 أنصاف خلي الموية تغلي لحد ما تسير الموية مصفرة شوية بعدين شيلي موية البصل والثوم واخلطي معها كم ملعقة غسل ( سدر ) ع حسب شعرك انا كنت استخدم 3 ملاعق كبار وكان يبقى شوية لأنه شعري مرا كان قصير واخلطيه وحطي ملعقتين زيت زيتون + ملعقتين زيت خروع الكمية انتي الي تحدديها مو انا حسب طول وكثافة شعرك
أنا ماشاء الله شعري من النوع الي يطول بسرعه ولما استخدمت هالخلطة ممن ثاني استخدام شفت نتيجة بسيطة وبعد خامس مره شفت الكثافة وطوله لنص الظهر < لا تستغربوا شعري يطول بسرعة ماشاء الله بدون شيء فما بالكم لو سويت له خلطة
للمعلومية في بنت خبرتها عنن هالخلطة واستمرت عليها شهرين بانتظام بس م شافت نتيجة تقول شعرها من الصعب له 3 سنين على نفس الطول يطول
يعني مو كل الي يناسب غيرك ممكن يناسبك انتبهوا ي بنات
في بنات فادتهم هالخلطة بشكل سحري مثل م فادتني وفي بنات لأ " يمكن يكون عندهم نقص فيتامينات أو مشاكل داخلية"
نرجع للخلطة :
انا كنت استخدمها بالأسبوعين أو بالاسبوع مرة وحدة
و ابشركم شعري الحين لفوق الخصر بشوية بديت استخدم هالخلطة من بعد العيد والنتائج مره عاجبتنيييي بقوووةة
هالخلطة تعتبر 4 في 1 ( ينعم ويرطب الشعر + طول + كثافة + لمعان )
بأول الشهور كنت احطها بشعري بالليل والفها بقبعة الرأس الي تجي مع مجموعة كنوز تبع الصابون المغربي أو أحيانا ألفها بكيس وأوقات اخليها ساعتين أو ساعة ونص واغسله ولاااا تخافوا * مافي ريحة ثوم وبصل ولا شيء لأنك بتاخذين بس مويتها*
- والخلطة الثانية استخدمها أحيانا كماسك للشعر والي هيا :
علبة زبادي + 2 م عسل + 3 م زيت زيتون أو زيت سمسم + بيضة أو بيضتين + واذا حبيتي تضيفي شوي سدر ع راحتكك
وكل المقادير ع حسب طول وكثافة شعرك
ولا تنسون لازم تسوي سنفرة لفروة الرأس كل فترة والثانية مثل م تعملي سنفرة لجسمك عشان تشيلي الاوساخ منه وتنظفيه ويصير مهيأ لاستقبأل الماسكات والخلطاات
وهالسنفرة لفروة الرأس هتنفعك مع الخلطات والماسكات بشكل أفضل :
1- بيكربونات الصودا : خذي ملعقة وحطيها بربع أو نص فنجان موية واعملي فيه تدليك للفروة لمدة 3 أو 5 دقائق وبعدها اشطفيه
2 - محلول ملحي : ذوبي ملح بموية واشطفي شعرك فيه وخليه كم دقيقة بعدين اغسليه
3 - محلول حمضي : خذي شوي ليمون مع لتر موية واشطفي شعرك فيه وخليه كم دقيقة بعدين اغسليه
وكمان الليمون يفتح لون الشعر اذا استخدمتيه تحت الشمس وتقدري تستخدميه مع الخل والحناء وكم اضافة ثانية وتصبغيه بلون طبيعي بس يبيله استمرار عشان يطلع اللون واضح ��
أهم شيء :
- ابعدوا عن الماء الساخن للشعر لانه يقصفه ويخليه متساقط وباهت - مشطيه دائما لأنه التمشيط يحفز بصيلات الشعر لنموه وانتبهوا تخلطوا الزيوت ع كيفكم لأنه في زيوت دافئة وفي زيوت حارة وفي زيوت باردة وما ينفع تتخلط مع بعض وممكن انو تضرك بدل م تنفعك
ونصيحة اخيييرة : لا تستعملي أي خلطة أو ماسك لشعرك غير لما تعرفي ايش نوعية شعرك وايش الي يناسبه وايش الي يضره
واكرر وأقول مو بيوم وليلة يتغير فيك اي شيء
" الصبر + الاستمرار = نتيجة حلوة وجميلة تسعدك "
دمتم بود
اختكم : شقاوهہ آنثـے
