مين على بالها قدره خليليه

تسلمي حبيبتي على هلوصفه انا كثير بسمع عنها بس عمري ما جربتها لاني ماكنت بعرف الطريقه فكرك بتنفع بصحن فخار بالفرن بدلنحاس؟ربنا يخليلنا وصفاتك الحلوه

نسيت اسئلك ايش عين جراده؟

بتنفع على ما اظن بس في كمان طبق فلسطيني اسمه الفخاره اذا سمعتي عنه بتنعمل بالفخاره وعلى الحطب وكمان بتزبط في الفرن

عين الجراده هي بذور الشبت اذا بتعرفيها وهو نبات عطري ريحته حلوه

شكرا حبيبتي بعرف الشبت،بس اكلة الفخاره ما بعرفها

الفخاره اكله طيبه كتير وسهله بس لازم يكون في عندك فخاره من النوع الجيد على شان ما تنفجر بالفرن بتتكون من لحم الخروف وبطاطا وبصل وتوم وكوسا وباذنجان وجزر وشو ما عندك خضره بتنشوى بتغسلي اللحمه جيدا بتتبليها وبتملحيها منيح وبتحطيها بقاع الفخاره وبعدين بتغسلي الخضره وبتقشري الثوم والبصل والبطاطا والجزر وبتخلي الباقي بقشرها وبتخليهم قطع كبيره وبتبهريها زي ما بتحبي وبتحطيها فوق اللحمه وبتحطي عليها شوية زيت زيتون يعني مقدار فنجان صغير وكاستين ميه وبتغطيها بعجينه وبتحطي عليها قصدير وبتحطيها بالفرن حتى تستوي وصحتين وعافيه