مادمت ملزما فاستمتع !!!
مجتمع رجيم / النقاش العام
كتبت :
عبير ورد
-
[FT=arial][FT=arial][FT=arial][FT=arial][FT=arial][FT=arial][FT=arial][FT=arial][/FT][/FT][/FT][/FT][/FT][/FT][/FT][/FT]
واحد بيحب الشاي سكر زيادة وشربه سادة ايه اللي هيحصل ؟؟ صراخ و عصبية وخناق هل العصبية والانفعال الزايد قلب مرارة الشاي حلاوة ؟؟ لالالالالا في الاخر لازم يشربه كدة عشان عنده مرض السكر ,مادمت ملزما فاسمتتع !!!
واحد اتخرج من ثانوية العامة بمجموع اصغر مما توقعه ودخل كلية مش حاببها عشان مجموعه
اكتئب وانطوي علي نفسه ومش بيذاكر وشايف ان حياته وقفت
بعد كل ده مجموعه هيزيد وهيدخل الكلية اللي هو حاببتها ؟؟؟ اكيد لأ
مادمت ملزما فأستمتع !!!
بنوته اتخرجت وقاعدة في البيت مستنية الفارس اللي في خيالها يجي يخدها علي حصانه وتشوفي حالتها تصعب عليك وتلاقيها كل شوية يارب ييجي ادعولي .. هموت قولولي اعمل ايه ؟ ايه الحل ؟ انا بحبه وهو ولا حاسس .. مش قادرة اعيش من غيره .. قلبي بيتقطع ..
وبعد ما تتجوز ..
حماتي بتكرهني .. سلفتي بتغيظني .. حمايا مش ييتحمل مني كلمة .. ولادي مطلعين عيني .. ج مش طايقني .. .. عايزة اطلق ساعدوني
هل بعد كل الصراخ والمعاناه دي كلها سواء قبل الجواز او بعده
بعد سخطك علي الوضع اللي انتي فيه مشكلتك اتحلت وتغيرت حياتك وبقي لونها بمبي !!! اكيد لا
مادمت ملزما فأستمتع !!!
كثيـــر مـن الناس يجعل حل مشكلته هو الاكتئاب الدائم والتــأفف من واقعه وكثرة التشكــي للي يعرفه واللي ميعرفوش وفي الاخر كل ده مش هيجيله رزق فاته ولا يعجـل برزق مش مكتوب له
طب ايه الحل ؟؟
إذا لم يَكُــن مـا تــٌرِيــد ... فَــأرِد مــا يَكُــون.
العاقل هو الذي يتكيف مع واقعه زي ماهو مــادام لا يستطيع التغييــر إلـى الأحسـن "
مادمت ملزما فاستمتع ...
ازاي استمتع ؟؟
اقولك ازاي
الدكتور احمد زويل كان بيحلم انه يدخل طب ومجموعه مجابش الطب ودخل علوم عمل ايه ؟؟ استمتع بالواقع بتاعه ؟؟ازاي اتعامل معاه زي ماهو وخرج احسن حاجة جواه
وفي الاخر بقي العالم الكبير الدكتور احمد زويل
يارب اكون قدرت اوصل الفكرة
ربي يحفظكم ويعينكم ويرزقكم الخير كله ويبعد عنكم كل شر
[FT=arial][FT=arial][FT=arial][FT=arial][FT=arial][FT=arial][FT=arial][FT=arial]
[/FT][/FT][/FT][/FT][/FT][/FT][/FT][/FT]
[FT=arial][FT=arial][FT=arial][FT=arial][FT=arial][FT=arial][FT=arial][FT=arial] [/FT][/FT][/FT][/FT][/FT][/FT][/FT][/FT]