عروس و علاقات زوجي مع بنات الحرام مستمره

-



السلام عليكم ورحمة الله وبركاته


انا هذا ثاني زواج لي ، صار لي شهر من تزوجت .. من بداية زواجي كان يقول لي لا تشكين ولا تصدقين اي شي عني بخصوص اني كنت اكلم بنات قلت اذا فالماضي فـ هذا مايهمني اهم شي الحاضر قال الحمدالله من ناحية الحاضر خلك متطمنه اني اموت فيك ومستحيل اكلم غيرك وصدقته ..

بعد اسبوعين من زواجي قال لي انه باع كل جوالاته طلع يكذب عنده جوالين نفس الشكل واللون يعني مستحيل افرق بينهم اكتشفت اليوم وهو نازل المغسله طلع جوال نفس جواله و الجوال اللي اعرفه عندي فالسياره يشحن سبحان الله المهم .. صار له 3 ايام وهو دايم على السناب مشغول ومايسولف معي و مايدخل الواتس زي قبل كان يراقبني يشوف اخر ظهور لي واذا شافني متصل سالني شتسوين ( شكاك ) .. المهم شفته يصور سنابات لها ويرسل لها اتوقع حتى انه يصور معي عادي ويرسل لها شكل علاقتهم قويه و يقوم قبلي وينزل تحت فالوحش يقعد يكلم لحد ماانزل يعني اخذ لي ساعه او ساعه ونص ..


من ناحيه ثانيه .. مايقصر بالفلوس و يحب اهلي و مايرفض لي طلب لكن مايصلي ..
مايقعد معي ودايم يستعبط علي انا بنزل بكلم حبيبتي انا لو صدتيني ترى ابرك الساعات بقول لك الله يحفظك روحي بيت اهلك ..


وهو لاحظ ضيقتي واني ماصرت اسولف واضحك زي قبل و كل شوي اتنهد و عرف اني متضايقه من شي قال لي صارحيني وش فيك تكلمي لا تسكتين ويقعد يستعبط لا يكون صايدتني الحمدالله وناسه

اصارحه او اسكت ؟؟ انا للحين ماحملت اخاف اسكت ويتمادى
منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين