مجتمع رجيمالاطباق المتنوعة

برغر بالخضار والتوست

Aldanah 02:57 PM 05-12-2008
مرحبا ياحلوين كيفكم ....
باختصار والله يابنات قبل نص ساعة بالزبط جعت كتيييييييير وانا اليوم ماافطرت لانه صحيت متأخر ،، المهم قلت خليني اروح اتغدى وقعدت افكر شو بدي اتغدى وشو بدي اتغدى
المهم قلت بدي اخترع اكلة جديدة من عقلي والحمدلله الأكلة طلعت كتييييير زاكية وخفيفة والأهم من هيك انها سهلةومابتاخد منك بالكتير نص ساعة ... بس خلصت قلت بدي احطها هون بلكي انتوا كمان جربتوها وقلتلولي رأيكم فيها
نيجي للأكلة :

المقادير:

قطعة واحده همبرغر
قطعة او قطعتين توست اسمر حسب الحجم (لو كبير قطعة لو صغير قطعتين )
حبة بندورة (طماطم)
خضار مشكلة ( بتيجي مجمدة بالاكياس )
حبة صغيرة كتير بطاطا مسلوقة (اختيارية ممكن حذفها بس انا حطيتها لاني لقيتها مسلوقة وجاهزة )

الطريقة :

بنجيب مقلاية بنحط فيها قطعة الهمبرغر بدون مانحط زيت او اي دهن بنخلي قطعة الهمبرغر عالنار لحد ماتبتدأ تستوي وتتطرا بنجيب شوكة وسكينة وبنبلش نقطع الهمبرغر وهي بالمقلاية للشرائح او قطع متوسطة الحجم ...
بنقطع الطماطم لشرائح رفيعة وبنحطها فوق الهمبرغر بعدين بنجيب الخضار المشكلة وبنحط الكمية الي بدنا ياها يعني انا حطيت حفنة ايدي خضار مشكلة واذا استخدمتي البطاطا المسلوقة بتقطعيها مكعبات وبتحطيها فوقهم ...
بتخلي هالمقادير على نار هادية عبين ماتستوي بدها ربع ساعة تقريبا ،، وبهالأوقات بتجيبي التوست بتقطعيه مكعبات وبتحطي بالفرن عبين مايتحمص ..
بالنهاية بعد ماتطفي عالاكلة بتحطي فوقها قطع التوست المحمص وبتخلطيهم سوا وبتحطيها بالصحن وبتاكليها بالشوكة وبتدعيلي
وصحتين وهنا
يالله انا مستنية تجربوها وتردولي خبر ......
اختكم المحبة دانة
Aldanah 10:54 PM 05-12-2008
الظاهر ماحدا عجبته الأكلة ،، معقول ولارد
زعلتوني
ألماسه حساسه 12:29 AM 05-13-2008
زعلك ما نقدر علية
مشكورة على البرغر وأنشاء الله بجربها
Aldanah 12:52 AM 05-13-2008
اقتباس : المشاركة التي أضيفت بواسطة ألماسه حساسه:
زعلك ما نقدر علية
مشكورة على البرغر وأنشاء الله بجربها
تسلمي يارب ياحبيبتي الله يخليكي فعلا انك ألماسة ...
لاتنسي لما تجربيها تعطيني رأيك فيها
سحر هنو 01:16 AM 05-13-2008
Aldanah 01:35 AM 05-13-2008
اقتباس : المشاركة التي أضيفت بواسطة بنت اسكندرية:
العفو ياحبيبتي الله يسعدك يارب ،، أسعدني مرورك
1 2  3  4 
كلمات ذات علاقة
بالخضار , برغر , والتوست