اسألونى تجدونى (ادخولو بسرعه موضوع جامد)

مجتمع رجيم / النقاش العام

كتبت : مسلمة

يا بنات الموضوع عباره عن اى حد يحب يسأل فى اى شىءتخص المطبخ يتفضل واحنا ان شاء الله

هنجوبه والى يحب يستفسر عن اكله او وصفه يتفضل واحنا ان شاء الله هنجوبه مهما كانت الوصفه

او الاكله من اى مكان فى العالم واتمنى من الجميع المشاركه فالموضوع مفتوح فيه الرد لاى

شخص عنده معلومه تفدنا او رد على اى وصفه مطلوبه بس اذا كان يعرفها ياترى مين راح

كتبت : سحر هنو

دايما دايما متميزة وموضوعاتك متميزة جدا

ودايما اصطادك فى الاسئلة بس يارب متزهقيش منى

انا عايزة اعرف اعمل الكريم كراميل بطريقة سهلة وفى

نفس الوقت طبعا يكون طعمها حلو لان جوزى بيموت فية

وبيخرجنا نتغدى برة مخصوص علشان ياكلة

كتبت : مسلمة

تسلميلى يا أحلى سحورة

و انت تامرى يا جميل و احلى كريم كرمل ليكى و لجوزك

المقادير

2 كوب سكر
1 كوب ماء
3 كوب لبن حليب
6 بيض
4/3 كوب سكر
ڤانيليا
حبهان (حب الهيل) مطحون أو قرفة مطحونة أو زعفران ( اختياري )

الطريقة

- يُوضع الماء والسكر في وعاء على نار متوسطة حتى يبدأ بالغليان ، و نترك الخليط حتى نحصل على الكراميل البني اللون و يُصب في قالب أو قوالب التقديم .
- يُسخن لبن الحليب في وعاء على نار متوسطة حتى درجة الغليان ، و يُترك جانباً.
- يُخفق البيض جيداً في وعاء عميق ، و يُضاف إليه السكر و الڤانيليا مع الاستمرار في الخفق.
- يُضاف لبن الحليب الفاتر مع الاستمرار في الخفق أثناء إضافته.
- للحصول على نكهات مختلفة للكريم كراميل يتم تقسيم الخليط و وضعه في أوعية منفصلة و يُضاف إما القرفة المطحونة أو الحبهان المطحون أو الزعفران (يُراعى إذابة الزعفران في قليل من الشربات قبل إضافته إلى الكريم كراميل)
- يُصب من الخليط على الكراميل و تُرص الأوعية في صينية عميقة ، و يُصب الماء الساخن في الصينية حتى نصف علو الأوعية.
- تُوضع في فرن حرارته 160 درجة مئوية لمدة 35- 45 دقيقة ، و تُترك لتبرد ثم تُوضع في الثلاجة (البراد) لمدة ساعة و نصف على الأقل .
- عند التقديم يُقلب الخليط على طبق التقديم ،و تُزين بالفاكهة الطازجة .

كتبت : سحر هنو

الف شكر وتسلملى ايديكى وعنيكى

ربنا يسعدك ويهنيكى

كتبت : OMBAKR

شكرا مسلمه على الموضوع الرائع انا حابه اسئل عن اكلتين وبالتحديد من مصر وياريت تعطيني الوصفات الي بعملوها من زمان ،الاكلتين هم الكشري والفطير المشلتت وياريت بالصور ،مشكوره

كتبت : مسلمة

اهلا بيكى ام بكر حبيبتى نورتى الموضوع

عيونى ليكى يا قمر

نبتدى الاول بالكشرى

الكشري المصري (انا باموت فية )

المكونات :

أرز بالشعرية

عدس بجبة( العدس البنى )

حمص شامي

مكرونة ( إسباجتي + أكواع)

بصل

صلصة طماطم

الدقة

الشطة

أرز بالشعرية:

تحمرالشعرية ثم يضاف الأرز و الماء و شوية ملح و يطبخ بالطريقة العادية

عدس بجبة :

يسلق العدس و يتبل بالكمون

حمص شامي :

مسلوق

مكرونة :

يسلق النوعان

بصل :

يستعمل بصل أصفر و يقطع شرائح و يرش دقيق ثم يحمر في الزيت ثم ينشف على ورق مطبخ

صلصة الطماطم :

معجون طماطم
بصل مفروم
فلفل أسود
كمون
كسبرة جافة مطحونة ناعم
ثوم مهروس
ماء - ملح - زيت

تخلط كل المكونات في الكبة Food Processor ثم تطبخ على النار حتى تتسبك

الدقة :

فلفل أخضر حلو مقطع صغير - ثوم فصوص - كمون - ملح - ماء - خل
تضرب في الخلاط حتى تنعم جيدا ثم توضع في زجاجة

الشطة :

4 م/ك شطة - ملح - فلفل - كمون - زيت - 2 كوب ماء - ممكن إضافة شوية معجون طماطم
تخلط ثم توضع على النار و تترك حتى تركز ثم توضع في زجاجة

التقديم :

في صحن كبير يوضع الأرز بالشعرية ثم فوقه العدس ( أو ممكن خلط العدس مع الأرز ) ثم الحمص ثم المكرونة ( أو ممكن توضع المكرونة في صحن لحالها بعد خلطها بشوية زيت ) ثم يزين بالبصل المحمر ثم ترش شوية صلصة طماطم و تكون باقي الصلصة و الشطة و الدقة جانب الصحن
و لكي طبعا الحرية في طريقة تقديمك للكشري

اسألونى تجدونى (ادخولو بسرعه موضوع جامد)

مجتمع رجيم / النقاش العام

هل يهمك نجاح منتدانا الغالي؟؟

هل أنتي راضية عن لباسك؟؟