مجتمع رجيمالنقاش العام

اللي رايحين يصلوا التراويح في رمضان القادم بلاش علبة الكيك وصنية الكنافة


[FT=arial][FT=arial][FT=arial][FT=arial][FT=arial][FT=arial][FT=arial][FT=arial][FT=arial][FT=arial][/FT][/FT][/FT][/FT][/FT][/FT][/FT][/FT][/FT][/FT][FT=Book Antiqua]

الستات والبنات
اللي رايحين يصلوا التراويح في رمضان القادم
إن شاء الله
بلاش علبة الكيك وصنية الكنافة
وترمس الشاي مش ﻻزم تاكلوا بين الصلوات كلوا لما تروحوا.
(عارفين إنك شاطرة)
بنتك الصغيرة فرحانة بصوتها
زي أصالة وماجدة الرومي
وبتغني في المسجد وتنط على راس البنات وأنت بتصلي
وابنك اللي بيسنن سخن و بيصرخ الظاهر سنانه بتاكله والناس مش بيسمعوا الإمام.
(اتفقي مع جارتك أنت تصلي في المسجد يوم وهي يوم واقعدوا بالوﻻد وارحموهم(
مافيش حاجه إسمها محجوز ما تحطيش الشنطة جنبك وتبرقي للبنات وتقولي محجوز
وتستني جارتك على بال ما تخلص المواعين وتيجي
(المسجد مش أوتوبيس)
بالنسبة للغلبانة اللي جنبك
مش ﻻزم صباعك الصغير يلزق في صباعها لو بعيده وبطلي تزغزغيها.
رجليك شكلها كده غلط وشكلها وحش وهم بعاد قوي عن بعض.
(مش هاتستحملي وهاتقعي في الآخر)
ما تطلعيش تجري بعد الصلاة بالخمار علشان تلحقي المسلسل
من أول المقدمة وتتفرجي على الرقاصة.
(فايدته إيه مرواح المسجد)
بلاش تلبسي العباية اللي بتلمع وتبرق بالترتر والخرز
لأنها بتنور في الضلمة والناس بتتخض.
(ده مش لولولولييييي فرح)
بلاش تنزلي تصلي بالإسدال بتاع البيت
قماشته خفيفة وبيبين الجسم
ألبسي أحسن عباية عندك
(أنت مش طالعة تنشري في البلكونة يا شلبية)
بطلي تبحلقي في البنات
وتدوري لإبنك على عروسة وتنادي عليهم بصوت عالي.
(بصي من تحت ل تحت)
وأوصيك بالبنات الهادية الرقيقة اللي على طبيعتها ومش حاطين مكياج وبيقعدوا ورا)
جاركم أبو أيمن عرف كل حاجة لأنه سمعك في المسجد
من ورا الستارة
وأنت بتحكي لصاحبتك على مقادير الكنافة بالقشطة والمكسرات
(ها يقول لمراته وحاتعرف سر المهنة وطي صوتك)
بلاش يا بنات الكعب العالي
لأنه ملفت ...وبيعمل حاجات وحشة.
( تريك تراك تريك تراك قدام المسجد والمصلين واقفين ها يبصوا غصب عنهم ويتفرجوا)
روج وكحل وأحمر خدود وأنت رايحه تصلي..
ليه!
)يا رب الإمام يخشع في الدعاء وتعيطي والكحل يسيح)
البارفان بلاش منه في المسجد
وعلى فكرة ما فيش واحد ها يشمه يقوم يحبك فجأة
ويجري وراك وأنت طالعة من المسجد علشان يخطبك من بابا
(اللي بييجي في الإعلانات كله كدب)
لو الفطار كان فيه فته وخل توم خليك مكانك ما تتحركيش من البيت وهاتولها هدية
آميييين
الرجال اللي يعلوا صوتهم فيها

أنت صوتك حلو وناعم ومسمسم
وده مسجد
وبلاش أوبرا عايدة
قوليها بصوت واطي
علشان ربنا يكرمك
في السجود إدعي في سرك
المسجد كله عرف إن ركبك بتوجعك و جوز أختك ضربها بالقلم وإنك بتدعي عليه
بطلوا تتعاركوا على النور وشوية تطفوه علشان الخشوع وشوية تنوروه وتدوروا على العيال
وما تنسوش تنضفوا المسجد وبلاش ترموا مناديل ورق في الأرض علشان
ده بيت ربنا.
وحشنى رمضان.
اللهم بلغنا رمضان.
[/FT]
[FT=Book Antiqua][FT=arial][FT=arial][FT=arial][FT=arial][FT=arial][FT=arial][FT=arial][FT=arial][FT=arial][FT=arial] [/FT][/FT][/FT][/FT][/FT][/FT][/FT][/FT][/FT][/FT]
[/FT]
كلمات ذات علاقة
اللي , رايحين , يصلوا , التراويح , في , رمضان , القادم , بلاش , علبة , الكيك , وصنية , الكنافة