النقاش العام نقاشات وحوارات تهم المرأة

لكل من يكره المدرسه ادخل اخذنالك بحقك

الصورة الرمزية كيان انجرح
كيان انجرح
روح المنتدى
قديم 01-14-2018, 08:10 AM
#1
السلام عليكم
كيفكم وشخباركم


المهم يوم من الا ايام
جاء إتصال من
صاحب السمو الطالب الكريم على برنامج


تابعو معنا وش قال صاحب السمو الطالب الكريم



طبعاً العلماء الموجودين هم علماء


الرياضيات


الفيزياء


الكيمياء


النحو



تابعو معنا ماذا حصل


مقدم البرنامج : معنا إتصال من صاحب السمو الطالب الكريم .. السلام عليكم ياصاحب السمو


الطالب : وعليكم السلام ياخي الحين انتم جالسين تبربرون هنيا


ولا تدرون وش القصة


عطني عطني علماء الفيزياء الي جمبك بالله
عالم فيزياء : هلا والله طال عمرك


الطالب : انت تعال تعال الحين الي معي نيوتن ولا انا غلطان ؟


عالم فيزياء ( نيوتن ) : ايه نعم ياطويل العمر معك نيوتن ملك الجاذبية


الطالب : جاذبيه تجذبك لجهنم قل آمين .. الحين انت يامال الغنيمة رجال جالس تحت شجرة طاحت عليك تفاحه ياخي ورى ماتاكلها وتحمد ربك وتسكت وتريح العالم ياخي .. جالس تقولي التفاحة ماطاحت فوق ليش ... انت مجنون مجنون انت .. وبعدين طاحت عليك التفاحه خلاص ياخي طلع قانون واحد وريحنا مسوي قلق لنا ياخي ومطلع كتاب كامل ياكلب الحين لعنبو بليسك انت ماعندك عيال ماتفكر بالأجيال القادمة الأجيال القادمة تعقدت منك ياخي ..!


نيوتن : .................... .... ( يعني ساكت هع )


الطالب : عطني عطني عالم الرياضيات الي جمبك عطنياه .


عالم الرياضيات : مساك الله بالخير ياطويل العمر


الطالب : الحين انتم فهموني انتم خبلان ولا وش الحين الطلاسم الي حاطينها لنا ( جا - جتا - ظا - ظتا ) قلة الحيا هذي وش هاه وش فايدتها هذي .. مسويلي مثلثات ومدري ويش الله يزيلكم انتم ومثلثاتكم ياخي خافو ربكم ياخي والله عيب ياخي عيب
ياخي انتم تكبرون السالفة وهي قصيره الرياضيات خلاص جمع طرح قسمة ضرب وخلاص وش قله الحياء هذي .. عطني عالمكم الكبير فيثاغورس عطنياه .


فيثاغورس : هلا والله ياطويل العمر


الطالب : هلا فيك الحين انت فتحت علينا بابن ماضنيت انه بينصك يوم انك تحط قانونك حق المثلث قائم الزاويه ليه قامت عليك القيامه بلا هاه ليه ؟ جاوبني ليه ؟


فيثاغورس : هذا العلم طال عمرك العلم ..!




الطالب : قل قسم .. هذا علم ..! والله احسبه بوفيه تبيع كبده .. ادري انه علم
انا اقول وراك مسوي فيها ذيب وجالسلي تكتشف ليه هاه ليه


فيثاغورس : عشان طال عمرك نشغل مخنا


الطالب : شغلو عليك منشار ينشرك بلا .. ياخي وش دخلك في الناس يشغلون مخهم يطفونه يفصلونه انت وش عليك انت شغل مخك وبس ولا عليك من الناس ياخي والله العظيم جالسلي تبربر هنيه ولا تدري وش السالفة عطني عالم الكيمياء الي جمبك عطنياه .



عالم الكيمياء : هلا والله طال عمرك


الطالب : لاهلا ولا مسهلا ابسألك سؤال لو سمحت .. انت حمار ؟


عالم الكيمياء : لا وش دعوى طال عمرك


الطالب : الا حمار الحين انت وش هالقافة الي فيك مخليتك تشوف الذرة وش مكوناتها ومدري ويش .. احد شاكيلك ولا شي ياخي خل كل شي مكانه ياخي .. عطني عالمكم رذرفورد عطنياه


رذرفورد : هلا والله


الطالب : ياخي انت مريض ياخي ياخي خل الناس في حالها ياخي جالس تفتش الذره وش مكوناتها وش عليك من الذرة ياخي انت بس تكتشف وحنا الي ناكلها ياخي حرام عليك ياخي .


رذرفورد : بس ياطويل العمر ...


الطالب : لاطويل عمر ولا قصير عمر لايكثر وعطني عالم النحو الي عندك سيبويه عطنيه


سيبويه : أهلاً وسهلاً بك ياصاحب السمو




الطالب : ويحك ياكلب ألحين انت يوم تسوي فيها ذئباً وضرغاماً وتجي تقولي وش الي ينصب المضارع وش الي يجزمه ومدري ويش لماذا هاه أخبرني لماذا هل سندخل الجنه ان عرفنا اين المضارع واين الماضي اجبني يافتى ؟


سيبويه : لا طبعاً ياصاحب السمو


الطالب : اجل مره ثانيه تلايط ولا تسوي فيها ذيب .


مقدم البرنامج : بس ياطويل العمر انت يعني


الطالب : اقول انتم اظاهر ماتربيتو تبينا نربيكم بنربيكم جالسين لي هنا تبربرون ..


عالم ( عنده واسطه ) : لاياطويل العمر حنا متربين


الطالب : لاماتربيتو لو انكم متربين كان ماسويتو الي تسونه .. الحين انتم جالسين فاضين وكل واحد يشر للثاني هاه ابوفلان نكتشف شي جديد يالله قدام .. وحنا الي ناكلها ياكلاب .


مقدم البرنامج : ياطويل العمر انت فاهم الموضوع غلط حنا راح نوضحلك ..


الطالب : طوط طوط طوط


مقدم البرنامج :


لاتنسون التقييم ياحلوين
</ul>
اضافة رد

العلامات المرجعية

لكل من يكره المدرسه ادخل اخذنالك بحقك


« فنآر اشرقت الانوار بقدومك وتدفق النهر بإطلالتك الجزء الأول: حساء أضلع البقر، وأطباق جانبية كورية »

أدوات الموضوع
انواع عرض الموضوع


الموضوع كاتب الموضوع المنتدى مشاركات آخر مشاركة
نظافة المدرسه , موضوع تعبيرعن نظافة المدرسة , انشاء عن المدرسه ونظافتها رقة زمان التربية و التعليم 0 10-07-2017 11:30 PM
النبي يكره المشي علي القبر دكتورة سامية السيرة النبوية ( محمد صلى الله عليه وسلم ) 18 04-05-2013 11:19 PM
النبي يكره أن يقـلد أحـدًا دكتورة سامية السيرة النبوية ( محمد صلى الله عليه وسلم ) 8 08-26-2012 06:41 PM
ماذا يكره الرجل في المرأة ؟؟؟؟ {*زينب*} الحياة الأسرية 9 05-16-2009 11:23 AM
قصه{احبك كلمه قليله بحقك} قصه رووووووعه أغلى من نظر عيني القصص والروايات الادبية 30 02-11-2008 03:52 AM

الساعة معتمدة بتوقيت جرينتش الساعة الآن 07:44 PM. : .
المواضيع و التعليقات المنشورة لا تعبر عن رأي مجتمع رجيم ولا نتحمل أي مسؤولية قانونية حيال ذلك (ويتحمل كاتبها مسؤولية النشر)
جميع الحقوق محفوظة Rjeem 2015
Powered by vBulletin® Version 3.8.7, Copyright ©2000 - 2018, Jelsoft Enterprises Ltd.
Content Relevant URLs by vBSEO 3.6.0
منتدى رجيم منتدى مستقل