مجتمع رجيمالنقاش العام

ايه المشكلة لما بنت تصاحب ولد او العكس طول ما الكلام بحدود والنية سليمة

[FT=arial][FT=arial][FT=arial][FT=arial][FT=arial][FT=arial][FT=arial][FT=arial][/FT][/FT][/FT][/FT][/FT][/FT][/FT][/FT]

ايه المشكلة لما بنت تصاحب ولد او العكس طول ما الكلام بحدود والنية سليمة وهو زى اخويا وانا زى اخته ؟

عندنا قاعدة بتقول :
(( النية الصالحة لا تصلح العمل الفاسد ))

ربنا هو اعلم بينا من نفسنا ،(( ربكم أعلم بكم ))
فيعلم ان البنت هتميل للولد , والولد هيميل للبنت
_ ديه الفطره اللى اتفطرنا عليها _ فعشان كده حطلنا قوانين تخلينا نبعد 180 درجة عن الحرام
وبعدين ازاى بنت تحكى لولد على ادق تفاصيل حياتهم
او العكس , ولد يفضفض لبنت على ادق تفاصيل حياته
وعاوزها متتأثرش ؟؟
معندكش معلومات عن ان البنات بتتأثر بأبسط كلمه ؟؟

نيجى بقى للاخت اللى هتقول :
انا من بيت محترم ومتربيه كويس وهعرف ازاى احمى نفسى لو زميلى تجاوز معايا فى تعاملاته ؟؟
هقولك فى مقوله قالها العلماء :
(( من استشرف الفتنة , استشرفته ))
يعنى اللى يروح للفتنة وهو فاتح صدره ف الفتنة تقوله :
حياك الله اهلا وسهلا نورتنا
انتي عملتى زى اللى حط بنزين ونار
ومعتقد انهم مش هيولعوا ..!

_طب انا اهلى عارفين وكل اللى يعرفنى عارفين عادى
ومابعملش حاجة غلط من وراهم؟
* وده مش عذر لفعل الحرام ع فكرة *
انتى اللى هتتحاسبي مش هما ، مش هينزلوا معاكى قبرك
مش هتقفي قدام ربنا تقوليله "اهلى عارفين!"
ده غير ان ده اصلا "جهر بالمعصية" واستهوان بستر الله
وربنا قال (( لا يحب الله الجهر بالسوء من القول ))
والرسول "صلى الله عليه وسلم" قال
" ﻛﻞُّ ﺃُﻣَّﺘﻲ ﻣﻌﺎﻓًﻰ ﺇﻻ ﺍﻟﻤﺠﺎﻫﺮﻳﻦ "

وكون انك عارفة ومستمرة ف الذنب كدا مضاعف
والحرام جاى ع هواكى ، وآلفتى المعصية وبقت شيء عادى ومعتاد بالنسبالك ..

و الرسول قال ان مفيش اضر على الرجال من النساء , فإزاى نقعد الفاتن جمب المفتون ونقول مفيش مشكله ؟؟
والله حتى لو كان الولد ده اصغر منك وبتعتبريه زى اخوكى الصغير بس هيحصل الاعجاب او حتى انجذاب وتعلّق .
لان انتى بشر وهو بشر , مش ملايكه يعنى ولا عندكوا جناحات حتى بصى كده على ايدك فيها جناح ولا لأ !!
وربنا قال لاطهر البشر ال هما "الصحابة وزوجات الرسول"
اللى اصلا _ يعتبروا امهاتهم _ انهم يتكلمو من وراء حجاب , فما بالك بينا احنا .. !

" ﻭَﺗَﺤْﺴَﺒُﻮﻧَﻪ ُ ﻫَﻴِّﻨًﺎ ﻭَﻫُﻮَ ﻋِﻨﺪَ ﺍﻟﻠَّﻪِ ﻋَﻈِﻴﻢٌ " .

اللهم عفه وغفران

كفنك خمس طبقات و ممنوع يلمسك إلا محارمك !
ومافيش مجال انك تعترضي وتقولي تشدد !

[FT=arial][FT=arial][FT=arial][FT=arial][FT=arial][FT=arial][FT=arial][FT=arial]
[/FT]
[/FT]
[/FT]
[/FT]
[/FT]
[/FT]
[/FT]
[/FT]

[FT=arial][FT=arial][FT=arial][FT=arial][FT=arial][FT=arial][FT=arial][FT=arial] [/FT][/FT][/FT][/FT][/FT][/FT][/FT][/FT]