زوجي يزعل اذا زعلت 🙄😩

مجتمع رجيم / الأخبار المصورة
كتبت : عـبق التفـاؤل
-
السلام بنات
اخباركم

بقولكم سالفتي اعتبروها استشاره
البارح كنت مسيره على اهلي وزوجي مسير على اهله المهم اتصلت على الساعه احدعش قلت وينك قال ليش قلت بس اسأل بنسدح الحين واذا جيت اتصل علي وسكرت المهم يوم جاء الساعه وحده وركبت وسلمت واقول اخبارك ويرد علي بثقل وواضح انه زعلااااان وسكتت ثم هو ماشاء الله لازم يقول اللي بخاطره قال وش هالمكالمه قلت ليش يضايقك اذا اتصلت قال انا سالك لاتجاوبين بسؤال قلت بس جاني النوم واحسبك قريب قال لو اني جاي اتصلت انتي عارفه اني عند اهلي ومدري ايش وبدأ يحتد النقاش شوي وقال بمشيها لك لانك مواصله واقطعي النقاش خلاص قلت ابشر وسكتت ونمنا وصحيناصحى قبلي واخذت ساعه عقبه ثم جيته قلت تبي فطور قال ايه وسويت له فطوره ورحت غرفتي وهو بالمجلس يوم جاء تسع طلع المهم جلست لين الظهر واتصلت قلت تبي غداء قال شوي يوم جاء وحده ونص اتصل قال صلحتي الغداء قلت لا قال وش تنتظرين قلت انت تقول شوي ورحت سويت الغداء المهم وجهز قبل يجي يوم جاء قلت اجهز الغداء قال لا خليه شوي وجلست عنده بس ساكته يعنني زعلانه 😂 بعد صلاة العصر جاء وحطيت الغداء بس ماتغديت لاني مو مشتهيه ورحت الغرفه الثانيه بنسدح ويناديني واجي قلت وش تبي قال اجلسي المهم جلست قال وش هالحركات قلت اي حركات قال كل ماناقشتك زعلتي وفكيتي من الدلع وماتغديتي قلت اصلا مالي نفس كنت باخذ لي غفوه قال ماشيعتي نوم قلت اصلا من الفجر مانمت قال فكيتي من الدلع ومدري وش قلت انا مافيني شي خلاص خلني قال الا زعلانه وبالطقاق ومدري وش وماتقولين لي ابشر قلت البارح قطعت النقاش وقلت ابشر قال ماقصد البارح اقصد الحين وطلع كل اللي بقلبه يوم جيت اتكلم عصب وماعطاني مجال اتكلم المهم رحت شوي ثم رجعت وشلت الغداء قلت فلان قال نعم قلت ليش تضايق اذا قلت وينك قال خلالاص قلت لا كلام بقلبي لازم اطلعه انت تطلع اللي بقلبك وماتعطيني مجال اطلع اللي بقلبي وعصب وقال اسكتي وسكت وتركته سحبت عليه المهم يجي ويروح وهو معصب واذا كلمني ينافخ 🤣😂😩تركته ورحت ضبطت قهوة المغرب وجيت اتقهوى وكان طالع يوم جا ماصبيت له ولا قلت تقهو وانقهر ماقدر يسكت قال ماعندك نيه تصبين المهم انا ضحكت خربت على نفسي الزعل فيني الطبع الشين ذا قال اضحكي اضحكي قلت انت بتطلع يعني اكيد ماتبي قهوه قال قولي تقهو قبل تقولين قلت خلاص خلني ويقول كلام يستفز قلت انت تبي تستفزني باسلوبك انا ساكته ولاجيتك المهم طلع
وجا الحين قلت تبي عشاء قال لا وراح



طولت عليكم بس طفشت منه يعصب ويبيني ما اطفش واذا زعلت زعل وقلبها علي


شورو علي كيف اعامله لين يجي يترضاني