مجتمع رجيمالنقاش العام

المشكله مني

المشكله مني

السلام عليكم ..

ايوا ادري المشكله مني 😫💔💔

انا متزوجه ليا 4 سنوات وبيني وبين زوجي 8 سنوات .. ومرتاحه معاه ونحب بعض .. وعندنا بنت عمرها سنتين...

في البدايه انا تزوجت وانا كنت ادرس جامعه ..و بعدها نقلت فمنطقه ثانيه واضطريت اعيد كل اللي درستو .. وصرررت حساسه من ناحيه الدراسه وابغى اتخرجج اليوم قبل بكرا .. وخصوصا دفعتي كلهم تخرجو .. 😫😫 ولسا باقيلي سنتين لين اتخرج

فصرت فبيتي بس مركزه ع الدراسه وماصرت اعرف انظم وقتي .. امس انفجر عليا زوجي .. وقلي مستحمل 4 سنوات عشان تحسين ولا حسيتي💔


اعترف اني ماانظف اول باول .. احس بكسسسسل مو طبيعي .. وجهدي كلو بالجامعه .. المواعين تقعد كم يوم ولمن تتراكم المواعين مااطبخ لين انظف المواعين .. واقعد كم يوم اطبخ ولو تراكمت المواعين خلاص مااطبخ مرا ثانيه ..

وبيتي مع بنتي الله يصلحها كل شيء يخرب وتطش عصيرات ومويا في كل مكان .. مع اني وراها كل شوي بس برضو البيت يظل مو مرتب ..

مشكلتي في تنظيم الوقت .. وهوا يقلي اقعد ع الجوال كثير .. مع اني احس لا ..

لمن كلمني انجرررحت مررررا .. وخصوصا ما يبغى يساعدني بولا شيء .. صعععبببببب كل شيء علي

وقلي يستحي ينادي احد فبيتنا .. اعترف في الاربع سنوات دي الناس اللي دخلو بيتي ينعدو ع الاصابع

ارجوكم لا تجرحون فيني .. ما نمت امس من كثر البكاء والكلام اللي جاني .. بس مااعرف كيف انظم وقتي مااااعرررررفففف ياليت تساعدوني وبدون تجريح مرا ثانيه ..
منتدى الحياة الزوجية | دليل النساء المتزوجات | الثقافة الزوجية والعائلية من قسم: مشكلتي مشاكل زوجية معالجة المشاكل بين المتزوجين

hgla;gi lkd