مساء الخير
بالبداية علاقتي كانت كويسة مع الشمالي الشرقي
لين جاء وقرر يسافر مع أصدقاءه
انا بالبداية كنت عادي وماعطيته ردة فعل قويه
حكيت مع وحدة من البنات
وقالت خير كيف ترضين هذي الدولة بالذات
المهم جيت انا ومابقى كلمة ماقلتها له وان كيف ترضى على نفسك والنَّاس وش بيقولون بدال لاتروح مكه والخ الخ -كان عندهم ظرف وانتهى-
المهم بعدها الرجال زعلان علي وراح مكه وكنسل السفرة بس يكابر يقول العيال ماضبطت معهم
بعدها بفترة اقل من أسبوعين غلطت عليه بشي قوي وطعنت بأخلاقه وأول مره اشوفه كذا زعلان
اعتذرت ووضحت له وجهة نظري بس الرجال حاقد
هجرني شهر بعدها رجعنا لبعض بس ببرود
طبعا بوقتها كان حارمني من اهلي ومن الطلعات بس أمه
انا بيني وبينكم كرهته بشكل مايدخل من زوري
شفت كيف هو اناني ولا همه الا نفسه
تكلمنا وقالي يوميا تروحين لامي ولا ماتطلعين من بيتك
وغدا الجمعة لاهلي تطبخينه كل جمعة
قلت تمام وصرت اروح وطبخت غدا الجمعة
جاء الأسبوع هذا قلت له بروح لاهلي رفض بشكل قاطع حاولت فيه قلت شهر مارحت وهو رافض يقول لين تصيرين حرمه - اذا بغى يرجع للمشكلة الاولى السفر رجع لها -
وراح لاهله وقالي الحقيني
لبست وجهزت طلعوا كل خواته مجتمعين
فأنا عطيته نظرة ان كل الناس عند اهلهم
المهم راح للدوام ورجع صباح اليوم ونام
وقام على اتصال لاخوه يناديه للغدا
واعتذر منه وجلس يسب وانه والله مااخليك ليش ماطبختي غدا الجمعة ورجع نام
انا سفهته وقمت مع بنتي بالغرفة الثانية
وسويت له غداه واقومه كل شوي مارضى يقوم
يوم جاء المغرب واطلب لي معجنات واتكشخ واكشخ بنتي بنروح لاهله ويقوم ويجلس يلعب بنته شوي وقالي حطي لي غدا
بعدها قالي ليه ماسويتي غدا الجمعة
قلت أمس قالوا اخوك بيجيب الغدا من المطعم
قال من اللي قال
قلت محد واليوم عرفت
قال ليش تكذبين علي وتراوغين انا ما قلت لك صيري واضحه
قلت له ايي كذبت اتقي شرك جاء هو مسك يدي وشدها وضربني بوجهي
جيت انا بهدوء ودموعي بوجهي قلت ودني لاهلي انا مو خدامة عندك تمد يدك عليها قام يشد زيادة
قلت ودني وقلهم كذابه انا راضيه
جاء وقال ولا تطلعين من الشقة خلني اشوفك متعدية
هالمكان وانسي الطلعة الا اذا بوديك للدوام أو بيت اهلك وطلع
انا جلست اقرأ قران شوي بعدها جلست اذاكر كتب الجامعة واشرح لبنتي دخل علينا ويشوفنا بعيونه
ويعنني زعلان بنظرة عيونه ولا تكلم ولا كلمة وانا جلست اكمل شرح لها ولا كأنه موجود وشكلي جدا عادي
شرحت لكم الوضع بالتفصيل لأني ابي أعالج المشكلة
من أساسها
مابي ردود عشوائية أبي ردود
الله يعافيكم حكيمة ولها خبرة بالشمالي الشرقي
الحين هو طلع للدوام ومو راجع الا بكرة
ابي أتناقش معه بالموضوع بطريقة فعلا تفيد
لأنه إنسان غير مستمع وماعنده الا رد واحد
هذا انا اذا مو عاجبك كيفك
هل الرسالة تفيد وش اكتب بالرسالة
أرجوكم أنا طرحت المشكلة وابي حلول جذرية
لا أسامح ولا أحلل من ينقل القصة الى الانستقرام في حسابات القصص 
