بناتي وأنا !!!!!

السلام عليكم ورحمة الله وبركاته
ربي يسعد كل ام ويصلح لها الذريه
ويرزقها بر اولادها وبناتها
قولو امين

مثل مو واضح بالعنوان بناتي وانا
الله رزقني ثلاث وردات
لكن بعد عمر الثلاث سنوات يختلف كل شي بيني وبينهم
انا ربيتهم على النظافه وحاطه نظام بالبيت
حاليا الكبيره بعمر 10 والاصغر منها 8 والاصغر 5
ابد ابد مو هم بناتي اللي ربيتهم
تغيييرو كثييير
اذا نظافة المكان اللي جالسين فيه او غرفتهم لازم اصارخ اول علشان ينظفون او ازعل وبعدها يتحركون لو اسكت يومين مو مهم عندهم
وصل الحال حتى الشور صار بهواش علشان يتنظفون
انا ماادري انا موسوسه بالنظافه بقوه وهاذا طبع الاطفال مع هالعمر
والا الاطفال لازم كل مره نعيد ونزيد عليهم الموضوع علشان يهتمون ويطبقون
اتمنى اللي عندها خلفيه تخبرني
انا بصراحه ابي كل شي بنظام وابيهم يعرفون كل شي بنفسهم
يعني ترتيب البيت اصلا على وحده والكنس وحده طبعا مو كل اليوم بس مره باليوم من باب انهم يتحملون مسؤليه بس والا اغلب التنظيف علي
الواجبات والشور كمان له وقت
كيف اعودهمً على هالشي
بدون مايقولون شوفي فلانه والا فلانه ماقلتي لها
كمان ابيهم يعتمدون على نفسهم بالمذاكره
والله تعبت الله يعظم اجر كل ام