تابع الجزء الثاني من موضوعي "افتكيت من الخدامه لا وألف لا للخدامه

مجتمع رجيم / أرشيف رجيم
ودايم
آخر تحديث: 30 سبتمبر, 2020
السلام عليكم ورحمة الله وبركاته

هلا الغاليات أتمنى الكل يكون متابع موضوعي اللي طاف
والبعض أبدى رغبة في معرفة الجدول الإسبوعي لي في بيتي
ونزولا عند رغبتكم بحط الجدول والله يوفقنا في مرضاته ومرضاة أزواجنا قولو آمين

على فكرة تراني أصحى الفجر وأشتغل مع أخذ قيلوله لين الساعة عشر ليلا وأنام
بنبدأ بسم الله:
طبعا الجدول الإسبوعي بيختلف عن الجدول اليومي يعني ممكن نخلي الكوي مرة إسبوعيا وتنظيف المطبخ

أنا ببتدي من الخميس لأن زوجي يوصل من الدوام العشاء ويروح السبت المغرب

الخميس:*
فترة الصبح الى الظهر
.
سقي الزرع +كنس ساحة البيت +أعمال البيت البسيطه والمهم عملها اليوم من طبخ وغسيل وغيرها
مثل تنظيف غرفة النوم تنظيف كامل تغيير الفرش وتهيئة الجو المناسب لإستقبال الزوج وطبعا ممنوع دخول الغرفه من قبل اليهال "الأطفال" إلين مايوصل الزوج

فترة الظهر :
طبخ الأطعمه التي يحبها الزوج نص طبخ أوطبخ كامل حسب المزاج ووضعها في الثلاجة وتجهيز الأطباق والكؤوس والسفرة بمعنى تجهيز طاوله الأكل.
وطبعا قبل مايوصل الزوج لازم نطلع الأكل أقلها بربع ساعة وتسخين أما على نار هادية أو المايكروييف.

فترة العصرتجهير نفسج للزوج من تنظيف وعمل حمام زيت الشعر وإهتمام بجسمج وباليهال.

بعد العشاء:

بعد العشا طبعا يساعدني زوجي في أخذ الأطباق للمطبخ والغسيل
ومهمتة تنويم اليهال .

وفي هاللحظه آخذ ملابسه وأحطهم في الغساله
وأتفرغ للزوج.

الجمعه:

أصحى الصبح من بدري وأسقي الزراعه وأطلع الملابس من الغساله وأعلجها
وأنظف المطبخ على أصوله يعني يوم الجمعه يوم المطبخ
وأجهز لي سويت .
علشان متعودين نتغدى كل جمعه بيت أهل زوجي
وبتكون الملابس على الساعة 9:30 ناشفه أشتغل في الكوي
وبعدها أجهز البخور وأصحي زوجي وعيالي وأحممهم ويروح يصلي أنظف غرفتي وغرفة اليهال والصاله ترتيب بسيط وبعدين نروح بيت أهله وباقي اليوم إجازة خاصه للزوج رحلات أو نودي اليهال أو نسير بروحنا جو خاص فينا
قبل النوم أحط ملابسنا في الغساله.

السبت

أصحى من بدري كالعادة وأسقي الزراعه وأنظف غرفتين من البيت بذمه وضمير +غرفة اليهال وغرفتي والصاله ترتيب بسيط
وبعدين أجهز للغداوأجهز سفرة الطعام ونغدى ونغسل مع بعض ونقضي اليوم سواء في البيت أو نروح نلف أي مكان

العصر:

أجهز ملابسه وجنطته وأحضر العشا لين المغرب.
بعد ذهابه أرقد اليهال وأهتم ببأموري الخاصه لين الساعة عشر

الأحد
أغسل الملابس مال البارحه وأكوي الملابس المتراكمه من هاليومين+ أنظف غرفتين من غرف البيت بذمه وضمير +التحضير للغدا+تنظيف غرفتي وغرفة اليها وسقي الزراعه +مذاكرة لليهال + العب معهم+التحضير للعشا+تنويم اليهال

الأثنين:
سقي الزرع+ترتيب الغرف المحتاجه لترتيب+ تنظيف غرفتين من البيت والجدول المعتاد

الثلاثاء:
سقي الزرع+ترتيب الغرف المحتاجه لترتيب+ تنظيف غرفتين من البيت والجدول المعتاد

الأربعاء:

هذا اليوم أقوم بجميع الأور المعتاده وأنظف الصالتين تنظيف خاص وآخذ اليهال بيت جدهم
وأسير السوق أتبضع للبيت وأروح الصالون اتزين لإستقبال زوجي

فترة الظهر أهتم باليهال ودروسهم وتجهيز العشاء لهم وتنويمهم


هذا جدولي الإسبوعي بالتفصيل الممل أتنمى يعجبكم

ملاحظه هامة:
طبعا بتستغربون من هالنشاط اللي عندي والبعض يمككن يتشكك بي نصيحه
على فكرة أنا قلت في موضوعي الأول بإن خدامتي سفرتها الإسبوع اللي طاف
وقلت بإني مب مترقعه ويا الخدم وعشت هذي الأيام من 8 سنوات على نفس الترتيب اللي فرق زيادة اليهال


أكثروا من الإستغفار والذكر وأنتوا تقومون بالشغل وأخلصوا النيه وتذكروا بإن اللي تسوونه إرضاء للزوج وللرب

واللي نيتها غير مابتقدر تكمل حتى يوم واحد
وسلامتكم
desperatehomewife
آخر تحديث: 30 سبتمبر, 2020
الله اكبر و ماشاء الله عليك يا ودايم و ربي يدوم عليك صحتك على هده الافائدة لجميع نساء مجتمع رجيم
سحر هنو
آخر تحديث: 30 سبتمبر, 2020
ربنا يوفقك
ودايم
آخر تحديث: 30 سبتمبر, 2020
شكرا غاليتي
سكون
آخر تحديث: 30 سبتمبر, 2020
ودايم
آخر تحديث: 30 سبتمبر, 2020
انتي اللي رائعه أخت سكون
وجزاك الله خيرا
الصفحات 1 2  3 

التالي

ماذا حدث في يوميات الرجيم السابقه؟؟؟؟؟؟

السابق

جلابيات للعيد للبيع

كلمات ذات علاقة
للخدامه , ما , الخياله , تابع الجزء الثاني من موضوعي افتكيت , وألف