اخاف احجي وضنوني هواي\حصريا لفخامة العراق

مجتمع رجيم / إبداع القلم .. لا للمنقول
كتبت : وردة ورديه
-
اخاف احجي وضنوني هواي


اخاف احجي وضنوني هواي
اشك بكلشي صاير حتى بعيوني

اكولن يمكن انغشيت
وكلبي وروحي غشوني

دفنتة ابلاكتل وماميت ومدفون
حي بعدة لجن المشكلة ضنوني

جنت مغمض امشي ابلا فكر وياه
لان مجنونة اني وهو مجنوني

وجان يكودني الحد حفرة الموت
بس بدون ورقة مايموتوني

ضاربها بعرض ميهمني اليطعنون
ضهري وصدري فاتح لليطعنوني

المراجل مااجت بكلمة التنكال
وحك الله عليها ابيضت عيوني

وهنيالي فزت بجروحي المهوسات
يطشن واهلية اعلة اليجرحوني

حفرولي وغمجوا حفرتهم الغمان
وطاحوا بيها ماكدروا يوكعوني

صح اعمى مشيت وبختي المفتح
وعثرهم لان بسوء ماشوني

انة موعالي كلش حتى مينوشون
هم زغار قيمة وماينوشوني

رادوني مثلهم انبطح للذل
الجبل من ينبطح يمردكم عيوني


بقلمي\\حصرررري