عيب فى الحمام...

مجتمع رجيم المطبخ والحمامات والاكسسوارت
الكاتبة: مهد

عيب فى الحمام...

السلام عليكم
عندى مشكلة فى الحمام او بمعنى اصح عيب
وللاسف العيب ده فى الحائط وهو
ان السيراميك اللى فى الجزء اللى فوق مش لايق مع السيراميك اللى فى الجزء اللى تحت
ممكن حد يفيدنى اعمل فيه ايه
انا عندى فكرة مش عارفة تنفع ولا لأ وهى
ان ممكن الزق على السيراميك اللى فوق مشمع ارضيات يليق مع لون السيراميك اللى فى الجزئ اللى تحت هينفع المشمع يتحط على الحائط فى الحمام
ياريت حد يساعدنى ويفيدنى فى الموضوع ده
او لو فى حد يعرف طريقة تدارى المنطقة اللى فوق مايبخلش علية بيها
لانى لسة مركبة السيراميك جديد ومش عاجبنى اللونين مع بعض وصعب اكسره تانى فعايزة حاجة تحل وتدارى العيب ده
مشكور كل اللى يرد علية
جزاكم الله كل خير
الكاتبة: سحر هنو

اهلا اختى الغالية انا اعرف حد كان عندة نفس المشكلة

والعامل بتاع السراميك جاب لها ورق حائط بينفع انة يلصق

على السراميك وكان على شكل منظر طبيعى وفى من هذا الورق

على شكل سيراميك بكل الالوان والاشكال وانشاء الله فى محلات

الديكورات
الكاتبة: مهد

ربنا يكرمك يارب يابنت اسكندرية
انا من ساعة ماشوفت الحمام وانا مش عارفة انام ومحروق دمى
ربنا يجزيكى كل خير على الافادة
بس ماتعرفيش اسمه ايه الورق اللى على شكل سيراميك ده
الكاتبة: مهد

فين البنات؟؟؟؟؟؟؟؟؟؟؟؟؟؟؟؟؟؟؟؟؟؟ظ
الكاتبة: broken_rony

مهد والله لو اعرف حل كنت قلتة بس فعلا معنديش خبرة فى الحاجات ى ممكن تسالى حد خبرة يعنى بتاع السيراميك نفسك
وربنا يحلها من عندة
الكاتبة: مهد

يكفينى انك تدخلى موضوعى وتنوريه يارونى
شكرا لمرورك حبيبتى
الصفحات 1 2  3 

التالي
السابق

-