مرت الوحشه على بالي
غيمة بس صفنات تمطر
اصفن اصفن ولدربكم ماكو جيه
يا حجيكم يشبه ادلال ومضايف
وسالفه وضحجه ابدويه
اه يا حسرت ذكركم
تموت ويه الندم مره
ومره تهوى العشك هام
وبيدر وهمه اعربيه
من تدوس وتفتر بيهدا الليالي
تتعب وتوكف علم
وعيونه ولايه ومضويه
بيدي عدلت الظفيرة وهي تضحك
انت شعليك وتمد ايدك عليه
انا طالب مدرسه.. وبجفوفي دفتر
وهي ماعدها هويه
صفنت وكالت اكلك
طيفكم عاود علينه ..هاي جيه
استحيت ..
وكلت دربي والخواطر كلهم اتفقوا عليه
جرّعت روحي لجلكم حنضل اسود
وشفت روحي بالمحبه الكم امينه
ما توالف غيركم لنه ابيه
جيت احط جرحي على جفي
واغسل باخر نزف..ترضين بيه؟
كملت دورة البيدر
واجت كالت ماعليه.
//حصري//
