صبايا هذه الكنافة بلاقيها ازكى بكثيييييييير من الكنافة العادية
هي بتطلع شبيهة بالكنافة الناعمة وعمري ما عملتها الا و الكل حبها وبشدة !!
المقادير:
- كيس توست مفتت بالمولينكس على الشفرة الكبيرة
- حوالي 200 غم زبدة مذابة او بدرجة حرارة الغرفة
- جبنة نابلسية محلاة ومقطعة شرائح خفيفة(ممكن خلطها بموزريللا)
- 3|4 كاس سميد ناعم مخلوط بكاس ماء مغلي وملعقتين اكل ماء الزهر
- شيرة او قطر
الطريقة:
- نفرك التوست بالزبدة جيدا ونرصه في صينية فرن بقاعها حبات من الصنوبر
- نوزع الجبن ونرصه على التوست
- نفرد خلطة السميد على الجبن بالتساوي
- ندخل الصينية في فرن حامي حوالي 40-50 دقيقة حتى يحمر التوست جيدا (انا بعملها بالبايركس حتى اشوف التحمير بعيني)
- عند خروجها من الفرن تقلب وتسقى بالقطر وتزين بالفستق المطحون.
صبايا الطعم خيالي وما بنشبع منه وحتى وهي باردة كثييييييير طيبة
بتمنى تجربوها وتدعوا لي
