دردشة جزائرية هيا يا بنات

صباح الورد يا عمري

صح سحورك راكي راااااااااقده انا هدا وين راح راجلي للخدمه قلت نقعد شويه في الكمبيوتر حتي ينوض علاء يرضع باش نرقد

علاء راه مليح و الحمد لله

انا راني نقرا لغات لكن راني مركزه على الهولنديه هي اللي نحتاجها هنايا حيث لبلاص اللي نسكن فيها يهدروا هولنديه

ماشي فرنسي و خاصني نجيب الشهاده

و انت كيفاش درتي باش تقري ما قلتيليش

السلام عليكم ورحمة الله وبركاته

واش راكى حبيبتى وين الغيبة ؟؟ توحشتك و توحشت الهدرة معاك

كيف علاء ؟؟

انا لما تزوجت كنت سنة اولى جامعة في باب الزوار و كنت حابة نقرا حاجة فيها مدسين medcine

طبيبة اسنان او مختبرات او تحاليل طبية كنت نحب هذا المجال بزاف لكن ربنا ما كتب تزوجت و رحت مع زوجى للروس كان هو ما زال يقرا

و سجلت في الجامعة في الروس باش يعطونى الفيزا و قريت سنة روسي كانت صعيبة بزاف

بعدها لما نزلنا على الاردن كنت حامل و بعدها ولدت و كانت حالتنا المادية ماشي بزاف خاطر هنا تخلصى باش تقراى مشى كما في الجزاير

و كنت دايما نبكى و قلبى يوجعنى كى نشوف واحدا راحت للجامعة و لا جات منه و كانو خواتات كامل يقراو في الجامعة

المهم حمات مرة ثانية و صار المسؤولية كبيرة و الدار و الزوج و الاطفال لكن دايما كنت نقولو انت وعدتنى باش نكمل قرايتى

و الحمد لله كتحسنت الظروف المادية عدنا سجلت في الجامعة و عندهم هنا نظام الساعات مشى العوام كما عدنا

يعن تنزلى ساعات كما تحبى و الوقت لتحب

كنت نزلت ساعات تاع القرايا احد و ثلاثاء و خميس من ساعة الثامنة صباحا و حتى الاربعة مساءا و الاولاد في الروضة

و الاثنين و الاربعاء نقعد في الدار نغسل و نمسح و نطيب لهم و هكدا حتى كملت اربع سنين

صح تعبت بزاف و كنت مرات نبكى كى يكون عندى امتحانات و الاولاد يهبلونى ما يخلونيش نقرا و العام الرابع حملت و كانت الصاعقة كيفاش

نولد و نقرا لكن الحمد لله الجامعة اعطتنى عطلة اسبوعين حتى ارتحت شوي و ارجعت كملت و كنت مجتهدة لدرجة كانو الشيوخة يعطونى

مثل للطلاب و تخرجت بمعدل جيد جدا

لكن زوجى ساعدنى بزاف و وقف معاي و هكدا جبت الشهادة و حسيت نار طفات في صدرى

وهدى حكايتى مع القراية

توتا توتا خلصت الحدوثة ههههه

السلام عليكم
وشراكم ياشاطرات توحشتكم بزاف
منيش نقعد بزاف في الميكرو
كيفاش راكم مع رمضان ان شاء الامور تمام

وعليكم السلام ورحمة الله وبركاته

هلا في شذى كيف الصيام معاكم

كيفك مع القران انا ختمت مرة و بدات فيه المرة الثانية و انت ؟؟

وين ام علاء ما بينت

صح فطوركم و صح سحوركم

السلام عليكم ورحمة الله وبركاته
راني بخير الحمد لله وانتم كيفكم
انا ثان ختمت مرة وراني قريب نكمل الختمة الزاوجة
ربي يعيينا
ايه مابانتش ام علاء ان شاء الله تكون بخير ربي يوفقها
وين راهم بقية البنات

هااااي حبيباتي كيفاش راكم

ميرسي بزاااف اللي سقيستوا علي اسمحولي و الله ما راني لاحقه مع الدار و لقرايه و علاااااااااااااااااء راه مريض

حكماتوا une grippe راه في حاله

دمووووعه غاليتي كيفاش راكي و الدراري كيفهم طرووووقه راه مليح خساره ما راناش ندخلوا في وقت واحد

شذا حياتي واش اخبارك صحيتوا راكم شاطرات و ختمتوا القران انا قريب انشاء الله

انشاء الله تكوووووووونووووا بالف خير توحشكم بزززاااف لكن ضيق الوقت اسفه

ما تنساوش تدعولي العلاء راه مخوفني