الخاطر الله لاتكسرة
يالبقيت بكلبي حسرة
تريد اعوفك ..؟؟
تريد ماحبك بعد ؟؟
تريد اكلك صار وبكلبي جمر
وانت بيدك تكسر بكلبي وتجبرة
بية الف كلمة احبك
نايمة بكلبي التجرحة
وبية قيس وروميو
وبية ليل المالكة بلياك صبحة
وحيل يستاهل بعد كلبي تدمرة
اني حبيتك لان بعيوني انت
ولان كل الناس احسهم يشبهونك
لو الله خالق كلهم انت
لو خلق دنيا لعيونك
لوقدر حبي اعلى ايدك صار كسرة
مااعيش بغير حبك
لاتوازيني امووت
والنبض وانفاسي انت
وصوت بلبل بذني اسمعك احلى صوت
مااعوفك يانبض موبيدي اخسرة
مااعوفك يانفس شهكاتة حسرة
تريد تكسر كلبي بيدك
لاتكسرة وانت بي
الخاطر الله لاتكسرة
الخاطر الله لاتكسرة
بقلمي
عامر العراقي
