ماأسامح
ليش تتخيلها سهلة؟؟
ليش.. تحفرلي كبر وتكلي طبلة
جنت متمسك بحبك بالوريد
او لو تكطع كلبي حبك مااحلة
بس موتكطع عشكي بيدك
وبشكوكك وصلة وصلة
روح لاترجع تدور اللي دفنتة
العشك ميعيش مرتين بسهولة
الكلام ابلا شعور يصير جارح
عدٌل السانك بحجيك من تكولة
مااسامح لاتضن اضحك بوجهك
اولاتمس رجال حب بكل رجولة
كل مشكلة يصيرلها حل
وانة قافل حيل ومخلص حلولة
صعبة ارافك شمس واحسبها صديق
وانة عايش عمري ليل امن الطفولة
والله ماغش بحياتي اللي احبة
ومااكول العنب حامض لوفشلت وماانولة
العيب مو جي هو عالي
اني ماحاولت اكثر حتى اطولة
الماعندة نفس لايركض بميدان
يتعب من يضن الدنيا ثولة
جدا اشكرك بالجاي بعد سنين
كملت البديتة بكل سهولة
ماسامحك موحقد لاوالله
بس بعد ماضل كلام اللي تكولة
بقلمي
عامر العراقي
26\2\2018
