اغنية عن الربيع مكتوبة , كلمات اغاني عن فصل الربيع كتابية

مجتمع رجيم / فضفضة
كتبت : أنثى أبكت القمر
-
كلمات اغاني عن فصل الربيع , اغنية عن الربيع , كلمات اغاني عن شم النسيم</p>
اغاني مكتوبة عن شم النسيم

أدي الربيع عاد من تاني والبدر هلت انواره

وفين حبيبي اللى رماني من جنة الحب لناره

ايام رضاه يا زماني هاتها وخد عمري

اللى رعيته رماني وفاتني وشغل فكري

كان النسيم غنوة والنيل يغنيها

وميته الحلوة تفضل تعيد فيها

وموجه الهادي كان عوده ولون البدر أوتاره

يناغي الورد وخدوده يناجي الليل وأسراره

وأنغامه بتسكرنا أنا وهو

أنا وهو مافيش غيرنا .. مافيش غيرنا

أدي الربيع عاد من تاني والبدر هلت انواره

وفين حبيبي اللى رماني من جنة الحب لناره

لمين بتضحك يا صيف لياليك وأيامك

كان لي فى عهدك حبيب آليف عهدني أدامك

وكان لي فى قلبه طيف يخطر فى أوهامك

من يوم ما فاتني وراح

شدو البلابل نواح

والورد لون الجراح

يا ليلي يــا يـــا يــا يــا عين

مر الخريف بعده بدل زهور الغرام

والدنيا من بعده هوان ويأس وآلام

لا القلب بينسى هواه ولا حبيبي بيرحمني

وكل ما قول آه يزيد فى ظلمه ويألمني

وأدي الشتا يا طول لياليه

على اللى فاته حبيبي يناجي طيفه ويناديه

ويشكي للكون تعذيبه

يا ليل يا بدر يا نسمة يا طير يا أغصان

هاتوا لي من الحبيب كلمة تواسي العاشق الحيران

أخد ورد الهوا مني وفات لي شوكه يألمني

ماعرفش أيه ذنبي غير أني فى حبي أخلصت من قلبي

وغاب عني لا كلمني ولا قال لي أمتى راح أشوفوه

وأقول يمكن هيرحمني ويبعت فى الربيع طيفه

آدي الربيع عاد من تاني والبدر هلت انواره

وفين حبيبي اللى رماني من جنة الحب لناره

-9958

ام كلثوم الورد جميل

الورد جميل .. جميل الورد
الورد جميل وله اوراق .. عليها دليل من الاشواق
اذا اهداه حبيب لحبيب .. يكون معناه وصاله قريب ..
شوف الزهور واتعلم .. بين الحابيب نتكلم
شوف .. شوف .. شوف الزهور .. واتعلم

والنرجس مال .. يمين وشمال
على الاغصان بتيه ودلال
عيونه تقول معانا عذول .. خلينا بعيد عن العزال ..
شوف الزهور واتعلم .. بين الحابيب نتكلم
شوف .. شوف .. شوف الزهور .. واتعلم

يا فل يا روح يا روح الروح
من شم هواك عمره ما ينساك
لكل حبيب تقول بلغاك
حبيب مشتاق بيستناك
شوف الزهور واتعلم .. بين الحابيب نتكلم
شوف .. شوف .. شوف الزهور .. واتعلم

شوفوا الياسمين جميل نعسان
حلي له النوم على الاغصان
بكل حنان تضمه الايد
وبه تزدان صدور الغيد
شوف الزهور واتعلم .. بين الحابيب نتكلم
شوف .. شوف .. شوف الزهور .. واتعلم

كلمات اغنية الدنيا ربيع ، سعاد حسني كاملة مكتوبة
-9959

الدنيا ربيع والجو بديع

قفلى على كل المواضيع

قفل قفل قفل قفل قفل

ما فيناش كانى وما فيناش مانى

كانى مانى ايه .. دى الدنيا ربيع

الدنيا ربيع الدنيا ربيع

الشجر الناشف بقى ورور .. الله

والطير بقى لعب ومتهور .. كدة هو

واحنا حنفرفش امتى امال

دلوقت ولا فى سبتمبر

قال لك قال لك قال لك ايه .. قال لك اه

قال لك فرفشة اليوم متأجلهاش للغد .. الغد الغد

وللى حنظبطوا مهمومٌ راح نزعل منو بجد .. بجد بجد

الدنيا ربيع والجو بديع

قفلى على كل المواضيع

قفل قفل قفل قفل قفل

ما فيناش كانى وما فيناش مانى


كانى مانى ايه .. دى الدنيا ربيع

الدنيا ربيع الدنيا ربيع

يالله مباراة يالله مسابقة من اشطر فى الضحكة الرايقة

ابو دم خفيف طبعاً يكسب وابو دم تقيل طبعاً لأ

الورد مفتح شوفو شوفو

بيرقص ودارى كسوفو

واللى يحب النبى يا خوانا عالواحد يسقف بكفوفو

لا لا لا لا لا لا و لا لا

لا و لا لا لا و لا لا لا

قال لك قال لك قال لك ايه قال لك اه

قال لك وصفة بلدية للصحة وطولة العمر .. العمر العمر

خد شمس وهوى على مية بلا دوا بلا عيا بلا مر .. بلا مر

الدنيا ربيع والجو بديع

قفلى على كل المواضيع

قفل قفل قفل قفل قفل

ما فيناش كانى وما فيناش مانى

كانى مانى ايه .. دى الدنيا ربيع

الدنيا ربيع الدنيا ربيع