ثورة عاشق... من ديواني

مجتمع رجيم / إبداع القلم .. لا للمنقول

كتبت : وردة ورديه

يهز طرفه ويعض شفاه من يشتد
زمر برنو غضبها والمنايه تحد

يتراطن غضب لوكتله انه اهواك
يشد شاجور غيضه والسراكَي تعد

يطلاكَة غضب والماي ما يجزيك
ويالمديرم غوه وجلاب والجرغد

وعدينـا الطوايف من بكر لزبيد
ومثل حسنك ابد للدوم مـاينعد

بهيده بالنفح خصلاتك الزينات
اليسوون كارثه وهالناس تهدد

بهيده من تمر محبوبي يم الدار
يخلخـالك يفزز نـاســنه وتكعد

شوردت الصدك وياك يابو النون
يهز كلبـي الرجيف وكلي اتردد

ياعزي وغلاي وعزوتي للدوم
ضم رصعات خدك ناسي هلتحسد

ياصفنة غضب والجاي مامعلوم
ياجله وثريه وخوفي من ترعد

اصيحله بدليلي وخطه مامشغول
يعاينلي بغضب وعيونهه أتردد

حدك والشعر ماظنه هوسة موت
والمسلسل عدل كل ظنتك يشرد

ازعلك يادليلي ودوم ماراضيك
وارد الكَاك شايل شوكَ ومعرد

وهذا الغيض منك مااظنه يهيد
لاترضى عليه من اسكت واكعد

طكَ شريان ثوره ياحبيبي وياي
أو ولو صبير شوككَ ماظن يورد

مواضيع مميزة قد تهمك

مساءات-- عاشق

سمفونيه عاشق

عاشق مجنون الى انثى اجن

الانسان نباتي لا حيواني

يا عاشق روحي

كرهتك ياعشك\حصريا لفخامة العراق

بقلمي معارضة قصيدة لأبي نواس

ثورة , عاشق... , من , ديواني