من يوم شفتك ب ساحات القتالي
صوبت قلبي وسهمك ماخطاني
وصفك عجزت اوصفه داخل خيالي
ياحلو يامر ياروح المعاني
ياناعس الطرف رمشك لي ظلالي
ميزك ربي من الناس وغواني
يادر والماس ياعذبن وحالي
سجيت صوتي لعينك والمغاني
حلاك يسبق جمالك يالمثالي
ولاغيرك الي عشقته واحتواني
انت القمر والنجوم الي تلالي
وانت الغزال المعنق يالدماني
منطوقك لياسمعته بري حالي
يبري جروحن بقلبي في ثواني
الحب مره وحبي لك ليالي
حتى ولوكان قلبك مادعاني
حبي شريفن ولاهوب التسالي
حب البدو صاملن وسط المحاني
مانيب طمعان في مال وحلالي
لله يجزاك حبي لك حداني
تكفين ردي خفوقي بالوصالي
يكفي من الصد يكفي ماكفاني
والله ماترك هوى حبك ياغالي
ي الي غرامك عطب قلبي بلاني
باموت دونك ولاغيرك طرالي
العهد باقي وحب الي سباني
عهد الهوى راسين مثل الجبالي
ولاكان أخونه ولو قلبك جفاني
ياليتنا يالغضي في خبت خالي
وانثر لك الحب ياورد الثماني
وآخر تحيات ياغزو احتلالي
حبك غزاني فديت الي غزاني
