قصيدة عتاب لأهل الرحيل (( قصيدة حصرية لفخامة العراق ))

مجتمع رجيم / إبداع القلم .. لا للمنقول
وردة ورديه

يادهر كافي فدوة ماكفاك هضمي القاسي
هسه اشوف الكل يهجرني من دون جرم مني صدر وسبب
أولها سافر ابوي وخلاني أعاني من دنيتي
وراح للمقابر وسكن بيها وعاف حضني وحلا اله حضن الترب
وثانيها حبيبة قلبي لولو ماجانت على البال
موتتها المفاجئة بسكتة قلبية خله دمعي من عيني عليها يصب
عانت من الفشل الكلوي والتشنج والفايروس
بس من تسمع صوتي الله ياناس شكد ترتاح من كل هالتعب
جنت من ازعل من الدنيا تراضيني
وبلهجتها اللبنانية من اسمعها توسع دنيتي ويكون الكون رحب
هي هم عافتني ياخلق وعشقت المقبرة
مثل الغالي ابوي وتناست عمرها الخمسة وثلاثين لسى ماانكتب
وصديقتي صفا من بعد مااغدقتها حناني
تمادت وتمادت وشردت مني من بعد ماكانت لهمومها إلي تذب
وشقيقتي وصديقتي من جنا زغار لمن
كبرنا جنا على كلب واحد ناكل سوا وهم نتقاسم مع الزاد الشرب
ليش عافتني مثل ماعافوني هيج
وتناست من جرب يذوق حناني مات بحبي وتناست طيبة هالقلب
واللي ماتوقعته ياناس ياعالم من حبيبي
صار اله ثلاث ايام هاجرني وسبب الي صدمة وسهمة بالحشا نشب
يعني معقولة هو هم يوهمني جان بحبه
لو هي معقولة جانت تجي اله حاله يكره بيها نفسه بالله هاي سبب ؟؟
ليش عشقني موت ومات علي غيرة
ومن بعد ماخلاني أميرة بحبه هسه يهجرني وبنار هجره تركني أطب
مو جنت تحضني لصدرك وتحن علي
خاف من تعلقت بيك طاح سوقي وخلاني اندم واعيش برعب
حبيبي ياقلبي ياعمري ليش تشرد
وتغيب كل هالغيبة يعني تريدني أموت لو بنار فراقك أشب
ياذنب عملته بيك ياعمري بالله
شايفني خنتك مثلا ؟؟ لا والله حاشاني اخونك لعد ليش تهجرني بلاذنب
من يوم ماعفتني ودمعي حرقني
حتى الملامة اعليك ياابن قلبي حلفت بعد هاليوم اترك الك الحرية بلا عتب
كفاية تعلقني بيك دامك نويت الهجر
ودامك بعتني بأرخص ثمن شنو عذرك يالحبيب وخليتني للشماتة والغرب
أمرك غريب تموت بي جنت وتغار بجنون
هسه دهرك غيرك انسان ثاني والله يالحبيب حيرتني اوف يادهر ياللعجب
شكول للشمات من ينشدوني عنك
شكلهم اكلهم حبيبي سافر لو تغير علي لو شكلهم اكلهم حبيبي بلحظة انقلب
نخيتك ورجيتك يابعد عمري مجرد
سؤال وانطيني جواب انتي هم مازلت تحبني لو كرهتني دخيلك جاوب عالطلب
وان جان عافني قلبك الحنون هم مسموح
أنا بعوفك وأروح احتمي بحضن الوحدة صدكني مافد يوم عني تخلت يالمحب




قصيدة بقلمي حصرية
لفخامة العراق
بقلم فتونةة العصر