محكمة رجيم الخامسة المتهمة (مسلمة)

مجتمع رجيم / محكمة رجيم

كتبت : مسلمة

class="quote">اقتباس : المشاركة التي أضيفت بواسطة :
اهلا بحبيبة قلبى وبنت بلدى

انا مش عايزة اتقل عليكى يا قمراية

ولو ان موضوع الاسئلة عندى اصعب من الاجوبة

لانى مبحبش اسال حد عن حاجة الا للضرورة

وها قد جاءت الضرورة

ممكن تعرفينا تعريف بسيط بنفسك

زى اسمك عمرك تعليمك ؟؟؟؟؟؟؟؟؟؟؟؟؟

وكفاية كدة واللى متحبيش تردى علية مترديش طبعا

واكيد انا عارفة اية السؤال اللى مش حتردى علية -عمرك؟؟؟؟؟؟؟؟؟

ههههههههههههههههههههه

أهلا بحبيبة قلبى و بنت بلدى بتروديهالى يا سحورة ماشى

مع أنك قمر و ملاك و مبتحبيش تزعلى حد علشان كدا انا حعملك مفاجئة و حرد على كل الاسئلة

أنا يا ستى اسمى ندى سالم

عمرى 26 سنة 26 يوليو (عيد ميلادى الشهر الجاى هاة )

انا بكارليوس تجارة و درست كذلك شريعة و فقة فى معهد أعداد الدعاة و كمان درست كمبيوتر و

نص متزوجة (كتب كتاب بس ) من مهندس شاب متدين و الحمدلله و عايشة حاليا مع أمى والدى متوفى و ليا أخت واحدة اكبر منى ب12 سنة متزوجة

و عندها 3اولاد باموت فيهم ( محمد و أحمد و مؤمن )

و بحبكم قوى و بحب رجيم

كتبت : ريحانة القلب

إيه الاجوبة الحلوة دي دا انتي باين عليكي احلى من السكر
يارب يهنيكي بزواجك ويحفظلك زوجك وامك واختك وكل حبايبك ويرحم ابوك ويدخلو فسيح جناتو "دعاء من القلب والله"
ولاني بحبك وبموت في مواضيعك وحافظاهم قبل حتى ما اصبح عضوة في ريجيم. رح اسألك عنك شخصيا
هل أنت إنسانة عاملة؟ (يعني بتشتغلي؟)
ومين هي أكتر شخصية إنتي مبهورة بيها؟ سواء الشخصية دى بتعرفيها شخصيا أو عشتي معاها أو قرأت عنها في الكتب أو سمعتي عنها، ممنوع الأنبياء والرسل أو زوجاتهم أو أصحابهم....... يعني اذا كنتي مبهورة بشخصية رسول قولي ليه بغض النظر انه رسول..........بتفلسف هههههه
اتمنى الاسئلة تكون خفيفة عليكي ياقمر وان شاء الله براءة

كتبت : مسلمة

class="quote">اقتباس : المشاركة التي أضيفت بواسطة :
إيه الاجوبة الحلوة دي دا انتي باين عليكي احلى من السكر
يارب يهنيكي بزواجك ويحفظلك زوجك وامك واختك وكل حبايبك ويرحم ابوك ويدخلو فسيح جناتو "دعاء من القلب والله"
ولاني بحبك وبموت في مواضيعك وحافظاهم قبل حتى ما اصبح عضوة في ريجيم. رح اسألك عنك شخصيا
هل أنت إنسانة عاملة؟ (يعني بتشتغلي؟)
ومين هي أكتر شخصية إنتي مبهورة بيها؟ سواء الشخصية دى بتعرفيها شخصيا أو عشتي معاها أو قرأت عنها في الكتب أو سمعتي عنها، ممنوع الأنبياء والرسل أو زوجاتهم أو أصحابهم....... يعني اذا كنتي مبهورة بشخصية رسول قولي ليه بغض النظر انه رسول..........بتفلسف هههههه
اتمنى الاسئلة تكون خفيفة عليكي ياقمر وان شاء الله براءة

ريحانة يا قلبى ربنا يكرمك و يعزك يا رب و انا باموت فيكى و الله و بحسك أنسانة رقيقة بتحبى تساعدى الجميع

ربنا بجد يكرمك بدعائك ليا و يحققلك كل أمانيك و يرزقك بالذرية الصالحة و يسعدك بزوجك ان شاء الله

أنا يا ستى لا أعمل (عاطلة يعنى ) شغلتى الوحيدة حاليا هى رجيم

أما السؤال الثانى بتزنقينى فية يعنى يا ريحانة ماشى دورك جاى و حتتزنقى متقلقيش

أنا بحب جدا شخصية عظيمة و بحاول أقتضى دائما بية فى كل شىء محمد صلى الله علية و سلم

بغض النظر عن أنة رسول بس بحب فية انة صادق لا يكذب و أمين لا يخون و متسامح الى أبعد درجة

حكمتة فى أعقد المواقف و ازاى ان رحمتة دائما تسبق غضبة ( و الميزة دى بالذات من و فضل من الله عز و جل ) أزاى اقدر اتسامح و انا فى عز قوتى

و أشتاق ألية كما يشتاق لى ( مش بهجص و لا بخرف ) و لكن دا بنص الحديث ( اشتاقت نفسى إلى احبابى ، قالوا : أولسنا أحبابك يارسول الله ؟ قال : بل أنتم اصحابى ، للواحد منهم أجر أربعين منكم ، قالوا : بل منهم يارسول الله . قال بل منكم لأنكم تجدون على الخير أعوانا ، ولايجدون على الخير أعوانا ) وفى رواية ( آمنوا بى ولم يرونى لايجدون على الخير أعوانا ) .

وأدعو الله ان أكون أحد أحبابة و يكفينى اننى مؤمنة بة و بالله و بكل الرسل و الانبياء

كتبت : امي الدنيا ومافيها

ههههههههههههههههههههههههههه

معلش يوم ليك ويوم عليك

عارفه بعد الاحتجاج اللي عملته فيكي والانقلاب .......... بس في الآخر ....

ليس سوى كلمة انت نعم الصداقة ونعم الاخوة الصادقة
بارك الله فيكِ وانعم عليكِ بكل السعادة والخير والهناء
وان يتمم زواجكِ على خير ويرزقكِ الصحة والعافية
وان يطيل في عمر والدتكِ ويرزقها الصحة والعافية وان يسخر لكِ زوجكِ لكل الخير
ويرزقك بالذرية الصالحة يارب

كتبت : al zahraa

مسلمــــــــــــه:4e5dd44a:

ازيك ياجميل ؟

على فكره والله بدون مجامله وبدون أى كلام مبالغ

انتى من أكتر الشخصيات الى بحبها فى مجتمع رجيم بالرغم من انى لم اتشرف بمعرفتك معرفه شخصيه

وكمان بيعجبنى نشاطك وموضوعاتك كلها ولقب حبوبه المنتدى بتهيألى مش ممكن يليق على حد تانى غير مسلمه

ممكن اسئلك بقه سؤالين سلهين ان شاء الله

اسهل من اسئله الفزيا بتاعت الثانويه العامه

ايه هى أكتر حاجة اتمنيت انها تحصل معاكى واتحققت وايه العكس يعنى ايه الى مش اتحقق ؟

والسؤال التانى والاخير

ياترى مسلمه لما بتكون مضايقه ومخنوقه ( بعد الشر عليكى ) مين الشخص الى ممكن تفضفض له

وترتاح اكتر بعد لما تتكلم معاه ؟

ايه رأيك فى الاسئله البسيطه دى

مستنيه اجاباتك يا جميل

محكمة رجيم الخامسة المتهمة (مسلمة)

مجتمع رجيم / محكمة رجيم

محكمة رجيم بثوبها الجديد مع الاعضاء

محكمة رجيم ( المتهمة الثانية honey)