روح بس يجيبك الله عادي روح الله كريم
خلي جرح اجديد منك يلچم بجرحي القديم
خلي دمعة عيني نجمة والحزن بعيوني غيم
ما يحبك بعد گلبي كارهك والله العظيم
بس بسيطة يجيبك الله تغدر بگلب اليتيم
عاندت امي وابويه وچنت اگلهم هذا زين
تالي شو ضحكو عليه وگالوا الي تحبه وين
من وراك الضحكة صارت بيه دمعات وونين
ولك ضيعته بثواني تعب كل ذيچ السنين
امدا روحي التحبك والي تتصورك حنين
ليش انا عكس دنيا
ماتمشي عدل وياي
كلشي بدنيتي مگلوب
وصار الراح مثل الجاي
حبيبي بعيني شو مكروه
واكره حتى اليشبهوه
ما اريده بعده وياي
يلعن امه فوك ابوه
هاي ياگلبي غلطتك هاي كلها من وراك
چنت فوگ النجمة انته ونزل هسه مستواك
بالتراب ادفنت روحك واتركت هيبة سماك
رخصت روحك هوايه ماچنت هيچي شجاك
رحت حبيت الميسوة وعلى هالحب امداك
بالهوى الماعنده غيره نايم ورجليه بالشمس
النار تدفه بحرگتي وهو بارد ما يحس
اكرهت روحي من عرفته بكلشي ماظلي نفس
اليوم اعض اصبع ندامه عللي سويته أمس
اشتريت بغالي واحد طلع مايسوه فلس
ليش انا عكس دنياي
ماتمشي عدل وياي
كلشي بدنيتي مگلوب
وصار الراح مثل الجاي
حبيبي بعيني شو مكروه
واكره حتى اليشبهوه
ما اريده بعده وياي
يلعن امه فوك ابوه
