منقول الموضوع. أسعد الله أوقاتكم
انا ما عندي مشكلة فعلية إنما موضوع بستشيركم فيه بعدة نقاط
متزوجة من 6 سنوات عندي طفلين
حاليا اعيش بمدينة غير مدينة زوجي واشوفه مرة بالشهر
حصل وحملت من غير تخطيط
وناوية ما أقول لزوجي الا بعد 3شهور او اذا هو بنفسه لاحظ
السبب اللي ما يخليني اعلمه ولا أعلم أي شخص
انو الحمل جا بوقت وانا غير مستعدة له وغير كذا زوجي لو بقول له الحين
راح يعلم اهله.. بحملاتي الاولات كان يعلمهم وانا باقي حتى ما حللت بالمستشفى
اعتقد من حقي اعلم الناس متى ما كنت
مستعدة ومرتاحة مثلي مثلهم
مع العلم أني ودي اقول له بس مابي أجازف انه يعلم الناس .. على فكرة أمه سبق وسمعتها تدعي على وحدة عشانها حملت وولدها باقي صغير ! وكأنها عملت جريمة أو كأنها بتتعب بدالها! وهذي نقطة بعد خايفة من عتب الناس لأن طفلي الاخير عمرة سنة ونص لكن هذا اللي ربي كتبه لي والحمدلله على عطاياه
وغير كذا في جزء مني حانق على زوجي
دايما ما يحسسني اني اشاركه الحياة ما يتدخل بقرارتي وكأن كل واحد له حياته
يمكن بتقولون وش علاقة هذا بهذا
اقولكم انو انا حبوب منع الحمل تتعبني جدا جدا
وعشان كذا تركتهم وطلبت منه نستخدم مانع طبيعي
بس يههههه و لأنه يبيني احمل لا .. لأنه يحس من واجبي كزوجة امتعه
بغض النظر عن اي شي ثاني
والموانع الطبيعية ما تمتعه بالشكل الكافي
في فجوة غريبة بيننا
نادرا يكلمني ومستحيل يسألني عن تفاصيل يومي او شي يخصني
أحيانا أقول كذا الزواج ثنين جمعهم سقف واحد وكل واحد يأدي اللي عليه ما تهمني هذي الفجوة والله يغنيني عن عاطفته بس أحيانا تأثر على أشياء بيننا مثل مسألة المانع وعدم تفهمه لهالشي او يعزم بدون يشاورني وكأن الجهد مو علي! لو كان قلبه علي ما كان صارت هالأمور.. هل ممكن ينتقل الزواج من تقليدي جامد لزواج كله حب وشغف ؟ كيف؟
تحملو فضفضة وحدة لاعبة فيها الهرمونات ههههه اعطوها حلول تفيدها منقول للامانة
