رابطــــة رشيقــات مصـــ 2008ــــر ... معــا نحـو صيــف رشييق

صباح الخير يا قمرات ازيك يا ديدى يا عسل هو دا النظام السهلانا مش بحب النظام الكيميائي بس حجرب يوم وربنا يسهل عشان انا ما استحملتش امشي عليه يوم واحد بس
ازيك يا كانتوتا ورونى نورتيى يا جميل من تانى وايمان فينك يا قمر امبارح النت باظ وماعرفتش ادخل بليل بعد ما كنت اعده النت باظ كنت عايزه طلب منك يا ديدى عايزه نظام لوحده صحابتى فى رمضان ازاى تعمل رجيم فى رمضان وكدا عمرها 16 سنه وطولها 156 بس وزنها يعنى 100فهى عايزه تخس فممكن يا ديدى لو تكتبلى او تقوليلى نظام ايه اقولهولها وجزاكى الله الف خير حبيبتى
انا فطرت النهادره توست وجبنه بيضائ وفلفل رومى حبه واحده وزبادى
الغذاء ممكن يكون سمك سنجارى ومش حاكل رز بالسلطه بس وشاى اخضر ومايه وربنا يكرمنا ان شاء الله
مستناه اعرف اخباركوا يابنات

انا يا جماعة النهاردة قاومت مغريات كتيرة اوي لدرجة اني كنت هتجنن واقول فليسقط الرجيم
اولا لما روحنا جنينة بابا قعد على كافيه ولقيتهم بيقدموا هناك تشيز كيك وتشوكلت كيك شكلهم وهمي قلت يا واد طنث خاااالث وبعد لف المول كله كنت هقع من الهبوط وانا اصلا ضغطي بيوطى بسهولة برده طنشت وطلعنا بره وانا عمالة اقابل اشي هارديز واشي اخر ساعة ولو كنت لقيت حتى عربية كبدة كنت هتهبل برده عليها واختي قالتلي طب نشتري اي حاجة ناكلها او نشربها قلتلها طب استني شوية لغاية ما لقيت ماما جت ومشينا والتحدي الأخير كان في البيت قالوا مفيش اكل قلتلهم انا هعمل سوسيس فراخ وسلطة اختي قالت انا بطلت دايت خلاص وقرروا يجيبوا سندويتشات من عند بريجو شوفتوا المصيبة ؟؟ طب اعمل ايه ؟؟ انا هلاحقها منين ولا منين ؟؟؟
ولكنني صامدة لغاية ما ازهق وسيبتهم ياكلوا وانا اعييييييط :e111de78: والحمد لله اتعشيت دلوقتي توست رجيم بجبنة وكوباية شاي ولبن وشكراايه رأيكوا فيا بقى ؟؟!!!!!

ازيكوا يا بنات عاملين ايه ازيك يا كنتوتا ايوه كدا عايزنك قويه قدام المغريات انا بقى فضلت متعصبه طول اليوم عشان ما اكلتش الى نفسي فيه مش عارفه ايه الى جراكى كنت اقوى من كدا بس الحمد لله النهادره لخبطت بس امباراح كان كويس عندى حاله اكتئاب مش عارفه ليه بس الحمد لله
ازيك يا ديدى مادخلتيش ليه وتقوليلى رجيم كويس لصحابتى يلا عاللله يكون المانع خير انك ما تدخلويش وكل سنه وانتوا طيببن يا بنات ورمضان كريم