لسلام عليكم
انا شاب عمري 26 سنه مملك من 3 شهور والزواج بعد 6 شهور خطيبتي عمرها 18 سنه وخطبتها عن حب وهي متأكد انها تحبني هي بنت خالتي
البنت اخلاق وكل شي فيها حلو وما اشوف احد غيرها
اول شهرين من الملكة كانت كل شي حلو حتى اني كنت اقول على نفسي اسعد انسان في العالم انام على رساله منها واصحى على رساله منها زرتها مره وحده بسبب وظيفتي في غير المدينة الا هي ساكنه فيها ما قصرت معها بشي دايما ارسلها بهدايا وكنا مرتاحين مع بعض .
البنت صارحتني بكل شي في حياتها وكانت مرتاحه لي في الشهر الثالث كل شي تغير صارت غير مهتمه وكثير تتجاهلني انا شاك ان المشكله من صديقتها عندها صديقه 24 ساعه مع بعض واتصالات كيف عرفت خطيبتي في اول شهرين دايما تتكلم عنها وانها دايم في تواصل معها صديقتها متزوجه من اربع شهور والمشكله دايم تكلم خطيبتي
مره من المرات خطيبتي صارحتني انها ترسل صورها لصديقتها وانا ما تقبلت الموضوع قلتلها لازم تحذفين صورك من عندها ولا ترسلين صورك لها نهائيا قالت حاضر طبعا هذا الكلام كانت في الشهرين الا كانت فيه تواصل وكلام حلو بيننا وهي ما زعلت مني تقبلت الموضوع.
في اخر اسبوعين تواصلنا صار رسمي جدا وهي دايم تتجاهل رسايلي وانا تجاهلت رساله منها ما رديت عليها بعد اربع ساعات ارسلت لي في شي مزعلك واكثر من 6 مكالمات منها
فصارحتها قلت لها انك تغيرت وصرت تتجاهلين وقلتلها اذا انت منتي مرتاحه معي ما في اي انسان يقدر يجبرك علي زعلت من كلامي وقالت كيف تفكر كذا قلت من تجاهلك لي قالت انا خايفه بس تمل مني فصارحتها ان هذا الشي مستحيل
والله خطيبتي ما عندها هذي الافكار وانا متأكد انه مو كلامها هذا كلام صديقتها حاولت احسسها بالامان رجعنا 3 ايام مثل ما كنا في اول شهرين بعدها رجعت للتجاهل مره ثانيه
ايش اسوي يعني البنت في فترة الملكة كذا تتجاهل زوجها لو كنت ادري هذا الشي بيصير كانت ما ملكت . ابغى اجابه من البنات في ايش تفكر البنت في فترة الملكة ؟؟
ايش تحس وهي تتجاهل زوجها ؟؟ انا والله وقت ما اتجاهلها واشوفها تسأل عني احن عليها لكن كل شي ولو حد اذا ارسلت رساله لها يوم كامل ما ترد وهي متصله في الواتس
انا صراحه احبها ومستحيل افكر في بنت غيرها و وضحتلها هذا الشي اكثر من مئة مره .
لكن اذا بتضل تتجاهلني بحس ببرود من ناحيتها وممكن نصل للانفصال لا قدر الله .
صورتويترخواطركلام 
