دمع العيون

ماني على بعضي حبيبي تخيّل
اصب لي فنجال وأسمع أغاني

يجلى عماس الراس كيفٍ مهيّل
وأسلى ويبرد وارجع اصب ثاني

الوقت ضدي وأقشر الحظ ميّل
وتحطمت قُدمي صروح الأماني

الشر حل وعني الخير حيّل
عزي لحال اللي سواتي يعاني

لا تحسب إن فرقاك عندي قليّل
ما فيه همٍ بعدك إلا وجاني

حبك بقلبي فوق ماانت امتخيّل
مير الزمان برمح فقدك رماني

دمع العيون من التفراق سيّل
ازريت لا أسلى عن غيابك ثواني

جداي فيك اكتب قصيد مذيّل
بأسمي وصحت يا حبيبي لساني

ما ترحم الأقدار شايب وعيّل
الله يكافينا شرور الزماني