ثمان سنين

من ثمان سنين صدري ما انشرح​


… ضايقً والهم في عيني يبين ​



ودي اعيش السعادة والفرح​


… مير عيا الحظ لو يومٍ يزين ​



لا ذكرت الماضي و عقلي سرح​


.. فيه أحزّن فوق ما قلبي حزين ​



آه يا وقت الطفوله والمرح ​



..وآه ياللي قد مضى لي من سنين​



خاطري مما جرا لي منجرح​


.. ويجذبه للماضي الفايت حنين​



راحت أيامي وعقلي مابرح​


.. في تذكر سالف أيامي رهين ​



يا معاتب وقتك أصحى وأسترح​


.. لا تعذب نفسك بكثر الونين​



ودع اللي فات وانسى ثم رح​


.. اطلب الله يسعدك دنيا ودين ​



هذي الدنيا بها أفراح وترح​


.. ماهي بجنه وفيها خالدين​



ولابه إنسانٍ زمانه ما جرح​



.. خاطره والحظ الاقشر له عوين​



والسعيد اللي بذكر الله شرح​


.. صدره الضايق وصلى ركعتين​



نصيحة : اسحبوا مني القلم ولا كل يوم بقصيدة ​
ثمان سنين