انا وابنتى ووالتوحد

class="quote">اقتباس : المشاركة التي أضيفت بواسطة broken_rony:
جنات حبيبتى ربنا معاكى يخفف عنك يارب ويريح بالك

اما الصغيرة الجميلة يارب يارحمن يا رحيم اشفها واعفو وعنها وفرج كربها وبارك لها فى صحتها واحفظها من كل شر امين يارب العالمين

اصبرى واحتسبى اجر وعافية ان شاء الله واحنا معاكى يا قلبى وان شاء الله تحكىلينا اكتر علشان نشاركك مشكلتك يمكن نقدر نساعدك وحتى لو مش هنقدر نساعد يبقى نقف جنبك لانك اختنا طبعا

بنات بجد انا مش عارفه اقول ايه على المساند الكبيره دى وده مش جديد على الاخوات الغاليين هنا فى المنتدى
ويارب افيد حد بتجربتى مع بنتى ويارب كل دعوه ربنا يستجيب لها ان شاء الله ولكم اكثر مما داعيتوا بيه
ويارب يشفى كل مريض
انا شويه بس وادخل اكملكم جزء من الموضوع لان بنتى محتاجانى
وشكرا لكل اللى مروا على الموضوع

تسلمي يا عزيزتي احنا هنا اخواتك وفي أي وقت تحت أمرك
خدي بالك من بنتك وكوني قريبة منها جدااااااااااااااااااا

واحنا مستنيينك

شكرا حبيبتى ريحانه
لما بنتى بقى عندها سنه ونص وزى ما قولت لكم كلامها اللى كانت بتقوله انعدم تقريبا ودايما متعصبه ومش بتنام ولما كنا بنادى عليها مكنتش حتى تبص علينا وكأنها فى عالم تانى
وكانت تنتبه بس لما تسمع موسيقى او اغنيه او صوت تكون بتحبه والموضوع ده خلانا محتاريين هى بتسمع ولا مش بتسمع ومن هنا بدأت حكايتى مع الدكاتره الاول رحت بيها طبعا على دكتور الاطفال بس الله يسامحه قالى ساعتها ان البنت عنده عته وتخلف وقلى شوفى الاول موضوع السمع وبعدين نقدر نحكم على الموضوع
مخبيش عليكم نزلت من عنده تعبانه ومش عارفه اعمل ايه وفورا رحت بيها لدكتور كبير فى السمع بس ده بقى منه لله كان سبب انى روحت البيت مش شايفه قدامى من العياط لانه اول ما دخلتله ولسه بيحاول يكشف عليها البنت اتعصيت وهو اقعد يزعق (انا كنت مستنياه انا والبنت حوالى 3 ساعات وانا شايلاها وبلف بيها علشان تسكت) ويقول دى متخلفه هى دى _(طبعا بيتكلم على بنتى ) انتى جايه بيها ازاى وقال كلام كتير مش حلو انا نفسى مش عاوزه افتكره
ولما رجعت البيت كنت تعبانه وزعلانه وعياط مستمر وبعدين علشان ربنا كريم ومش بيسيب حد الهمنى والحمد لله انى مش استسلم وانى ادور تانى على دكاتره تانين
وان شاء الله اكملكم بقيت التجربه
يارب اشفى بنتى
على فكره دى هى التالته فى اولادى وهى كمان اخر العنقود الله يشفيها ويهديها