زوجي يتهمني بتفريقه عن أهله

السلام عليكم

مشكلتي مع زوجي هي الذهاب لاهله..

خلوني اقول لكم الوضع بعدين احكموا

زوجي ياخذني انا وعيالي لأهله في منطقه بعيده مره في الشهر.

يجلس معاهم بالضبط ثلاث ساعات وثم يطلع ولا نشوفه لحد الظهر ثاني يوم.. يتغدى ونفس الشي يطلع ولا نشوفه الا الظهر ثاني يوم ونرجع.

بيتهم صغير ويحشروني انا وعيالي في غرفه مع زوجة ولدهم.. وزوجها ينحشر مع اخوانه في غرفه وواحد من اخوانه في غرفة امه وابوه..

المهم عيالي انواع الاحراجات لانهم صغار. وعمتي اللي هي أمه تدخل غرفتها وتسكر على عمرها ما شوفها الا وقت الاكل والشرب وهي مش مقصره تطبخ وكل شي. بس ازعاج عيالي مشردها.. اجلس هالثلاث ايام مع حرمة ولدهم
طيب المشكله اني قلت له شرايك بس نقعد يومين بس.. عصب ورفع صوته وقال انا داري انتي ما تحبين اهلي ولا تبين تروحين لهم.. قلت لا احس انا نضيق عليهم.. مارضى يسمع لي وقال انتي تبين تحرميني من اهلي.. قلت طيب مش مشكله استاجر لنا غرفه فندقيه في الليل لانه رخيص في المنطقه ذيك ماااافي ما سمعني.. قال تبين تفرقين بيني وبين اهلي..

اهلهةيوم اطلع يفرحون.. حتى مره قعدنا بس يوم وجينا نروح راح عمي حلف علينا وعمتي عصبت عليه قدامي قالت له خلهم يروحو ما يخصك فيهم.. بس ما قلت لزوجي وقالت لي مره يا زين من زار وخفف. وحزت في خاطري ولا قلت لزوجي.. لانها فعلا متضايقه ويحق لها بيتها صغير وعيالي صغار والوضع مححرج

الحين هو ما يكلمني وبيروح لوحده.. بس لاني قلت له خلها يومين..
وحسسني اني بفرقه عن اهله اللي ما يشوفهم اصلا..

صورتويترخواطركلام