زوجتي و زوجة اخوي</p>
السلام عليكم ورحمة الله وبركاته
أبدا في التعريف بالاسرة الي نشأت فيها لانها نصف المشكلة
رجال عمري ٢٧ الاوسط بين ٤ اولاد ، متزوج من شهور ولدي اخ اكبر متزوج كذلك وكلنا نسكن في شقق كاملة منفصلة في الدور الثاني .. ولكن في الدور الارضي ابوي و بقية اخواني غير المتزوجين
شاء الله وتوفت امي الله يرحمها قبل ١٨ سنه وابوي ماتزوج ، وضع البيت اب و ٤ اولاد بدون امرأة اشبه مايكون بعزبة عزاب ابدية ! حرفياً كانت حياتنا كذا خالية من اي مظاهر اهتمام اي انثى بالمنزل
تزوح اخوي الكبير قبل ٥ سنوات من امرأة ماشاء الله تبارك الله اقل مايقال عنها قمة في السنع .. غيرت بيتنا كامل من ناحية الترتيب والنظافة تتعامل مع ملابسنا وكانها ام او اخت مجبورة فينا لدرجة ان الوالد استحى وخاف تتعب وجاب لها خدامة !! وبعد وجود الخدامة لازالت تشرف على كل شي بنفسها و تجهز اكل ابوي بنفسها وتتقهوى معه يومياً .. ياحماعه صرنا لمن ندخل البيت نشم ريحة عود او بخور الي ماكنا نشمها الا ف بيت الناس اقل ناقول ان الحرمة غيرت عيشنا كلها ومانعتبرها الا اخت بالفعل نتغطى عنها ومانقعد سوى ، لكن يشهد الله ان ماتاذينا منها.. لو درت بجية الضيوف تجهز الحلا والتمر والله ودك تطالع فيه بس !!
وين المشكلة ؟
اني تزوجت زوجة مختلفة عنها تماماً !! اقل مايقال السنع بوادي وهي يوادي مع ان عمرها ٢٤ !!
شي لا ارادي صرت اقارن بينها وبين زوحة اخوي بشكل غلط .. صار قلبي يميل
ابسط شي غسيل الملابس .. زوحة اخوي تغسل ملابس اكثر من ولحد وكلهم اما ريحتهم عود او صابون وزوجتي مافيهم ريحة او ريحتهم زفرة لانها تنساهم بالغسالة !!
لا جا بيجي الصيف ومن باب الادب زوجة اخوي معفية من كل شي الا ان ترتيب زوجتي يفشل !! اي ضيف جا وزهبت له زوجة اخوي استحي ان تزهب له زوجتي
بالرغم من تقارب اعمارهم الا ان هناك فرق غير طبيعي من كل النواحي سواء مع ابوي او معي
اعرف ن واجبها انا ولا مهوبمطلوب منها ذاك الزود مع ابوي لكنها يا جماعة تفشل
كلمتها قهمتها مافيه فايدة .. كلمت امها نفس الشي .. لدرجة ان كل يوم وحده تطبخ ويوم طبخ زوجتي نص الايام اجيب من برا لان طبخها يفشل
شسوي في قلبي يا جماعه صار يميل ، فعلاً احتاج حل
المصدر: منتدى الحياة الزوجية | دليل النساء المتزوجات | الثقافة الزوجية والعائلية – من قسم: مشكلتي – مشاكل زوجية – معالجة المشاكل بين المتزوجين
.,[jd , .,[m ho,d
