هلا و الله موضوع في غاية أهمية
أنا شخصية كنت أعاني من هالشيء ، عندي ولد ( ربي يخليلاها ) عمره سنتين و 3 أشهر رغم أنه الولد الوحيد في البيت يعني ما عنده طفل يلعب معه يا دوبك أبن الجيران ، المهم يحب دائما يلعب بالألعاب زجاجية أو تخيلوا يرمي الكرات للتلفزيون و يحط ألعابه في الفرن خخخخخ تخيلوا ( من يومها محترمة نفسي و أقفل باب المطبخ ) أو يحب يرمي ساعة أبوه من ماركة غالية صراحة على باله كرة و يرميه على جدار يعني بكل سهولة .
أقل حاجة إني شلت كل حاجات الذجاجية من أماكن قريبة منه أو ممكن توصله يدين و الساعات أو الأكسسوارات حطيتهم في مندوس أو علبة الذهب محكة الأغلاق ، و حطيت غرفة خاصة للعب و ما في لعب غير في هذي الغرفة لدرجة لما أبوه يبي بلعب معاه يدخل معه في نفس الغرفة خخخخخخخخخخخخخخخ
أما بالنسبة للعقاب لا و إن شاء الله مليون لا إني أهدد ولدي ضناي بحرق أو كوي أو .......... أو ............أو .
أنا ممكن أعاقب ولدي إني في بعض الأحيان أطنشه يعني أسوي نفسي ما سمعته بس هاه أنتبوه مو لدرجة إنه يحس إنه مو مرغوب في حياتج لا .
أو ممكن أعاقبه إني أحرمه من شيء يحبه أو ما ودي عن العيال عشان يلعب معهم علما إن هو يحب يلعب مع أولاد أخوي و أولاد أخت زوجي لأن سنهم قريبة من سن أبني . فإذا ما سمع كلام أقوله إني ما أوديك عند فلان أو ما راح أخذك مع الحديقة .
بس الله لا يجيب اليوم الي أهدد فيه ولدي
و ربي يخليهم لنا ذرية صالحة بارة تقية