حد يساااااااااااعدنى

انا عندى مشكله ومش عارفه احلها ازاى ,انا بحب واحد وهو كمان بيحبنى مش دى المشكله
المشكله انى خايفه من نهايه الموضوع ده مش لانى خايفه منه لا
انا ف البدايه بنت عاديه اجتماعيه جدا وكنت خايفه احب عشان متجرحش لحد ملقيته ف الاول عذبته معايا لانى كنت خايفه جدا لحد موثقت فيه واتفقنا على الوضوح والصراحه ف كل حاجه وبامانه هو انسان محترم جدا فوق ما كنت اتصور واكتر مكنت بحلم كمان حسيت ان الدنيا خلاص هتصالحنى بعد كل التعب اللى تعبته ف حياتى عوضنى عن كل حاجه وبقى هو كل حياتى وفضلت عايشه ف الحلم دا لحد ما اهلى عرفو وبدات المشاكل انا مقدرتش اقولهم لاننا لسه طلبه بس هو اكبر منى ولكن لظروف غصب عنه اضطر يأجل
كزا سنه وللاسف بقى اقل منى دراسيا يعنى انا هخلص قبله ب3 سنين وهنا بقى المشكله
ان اهلى مش موافقين عليه مع العلم انه جه اتقدملى عشان نثبتلهم اننا مش بنلعب بس ولا حيات لمن تنادى وبدات حياتى تتدمر اكتر ماكانت قبل مااعرفه حسيت ان كل حاجه بتضيع منى ومش عارفه اعمل حاجه المشاكل كانت حواليا من كل مكان اهلى مكنوش بيكلمونى طبعا مع اسوء معامله شفتها ف حياتى وطبعا لانى بحبه اتمسكت بيه وطبعا الرد المتوقع الرفض بشده مهما عملت بدات والدتى تتعب وهى اصلا ست كبيره وتعبانه وبدأت انا كمان انهار وتعبت لدرجه انى حاولت اموت نفسى بس حتى دى فشلت فيها ومحصليش حاجه غير انى تعبت فتره وخسيت وبقيت زى اللى طالع من الترب بكفاله بقيت مش عارفه اعمل ايه اتصرف ازاى اهلى رافضين تماما ومش مقتنعين دا زائد تعب والدتى ودا اللى موتنى اكتر لانى مهما كان مقدرش استحمل تعبها وخصوصا لو كان بسببى وحبيبى تعبان جدا وهو كمان حاول ينتحر وحياتنا كلها اتدمرت حاولت انى اقنعهم ف البيت انى خلاص نسيته عشان اقدر اتنفس من معاملتهم ونجحت لحد ما جات المصيبه ان اتقدملى عريس بالنسبالهم مناسب طبعا وخلو واحده قريبتى تكلمنى وانا رفضت بجحه الدراسه ولما مقتنعتش من خيبتى امنتها وحكيتهلها وطلعت عارفه من الاول بس بتستعبطنى المهم قالت لماما الكل اتفق عليا ويا هو يامفيش خروج ولا دراسه ومعامله زى الكلاب بالظبط مع الاحترام طبعا للكلاب المهم بعد تعب وصلت لحل انى اشوفه وكالعاده اطلع فيه عيب طبعا محدش صدق انى موافقه بعد كل الهوليله والعياط اللى انا عملته بس مكنش قدامهم غير انهم يصدقونى شوفته وطبعا طلعت فيه القطط الفطسانه ورفضته والحمدلله اقتنعو وعدت على خير بس الخوف والقلق مسبناش فضلنا كده لفتره وبعدين ماما عرفت بس لحسن حظى انها مكبرتش الموضوع ووعدتها انى هبعد عنه طبعا كلام ف الهوا وصدقتنى لحد ما ف يوم حصل اللى عمرى متوقعته انا ف الفتره دى كانت اعصابى بايظه جدا وشكلى متغير ومبكلمش حد مش زى عادتى يعنى وهما كانو بيحسو بحالتى دى لما يكون حصل مشكله ودا مبيحصلش غير لما يكون هو ف الصوره لانى انا طبعى انا مبحبش اشيل الهم ولا افكر المهم عملو عليا لعبه عشان يعرفو لسه بحبه ولا لا وبرضه وقعت وكانت مصيبه واكبر مصيبه حصلتلى لانى دا تعتبر رابع مره اوعدهم انى هبعد عنه ومقدرش المره دى بقى بابا تدخل وكانت اشبه بالمجزره والكل مسك ف بعضه وانا ف النص بعيط ومنهاره ومش عارفه اعمل ايه وكان الرد ياختار كليتى وابعد عنه او اقعد ف البيت نهائى وطبعا لان الدنيا كلها اسودت ف عينى وخلاص كل حاجه ضاعت اخترت اقعد لكن والدتنى اترجتنى وكان ناقص تبوس ايدى عشان ابعد عنه واكمل كليتى عشان محدش يشمت فيهم ومعرفتش اعمل ايه لو كملت الكليه معناه ابعد عنه ومش هقدر ولو قعدت ساعتها ممكن يجوزونى وبرضه هبعد عنه فكرت انى اكمل وبعدين نلاقى حل ولقيت مصيبه مستنيانى على اساس انى انا ناقصه مصايب كل اللى حصل ده طبعا دمرنا فكان نتيجته انه اضطر يأجل سنه كمان هو طبعا غصب عنه بس الموضوع مكنش مستحمل وقتها حسيت ان خلاص مبقاش فيه امل ,حاولت باقصى مافيا انى اقف جمبه بس كنت ضعيفه اوى بعدها والدتى عرفت تانى وتعبت جدا ومكنتش بتكلمنى وخلتنى احلف على المصحف انى مكلموش تانى والا هتبقى غضبانه عليا,كل اصحابى نصحونى ان ابعد عنه لان مفيش امل وانى كده هخسره وهخسرهم وهخسر كل حاجه
تحت ضغط اصحابى وتعب والدتى والظروف الهباب اللى كنت بمر فيها وانعدام الامل قررت انى احاول اكسب وقت بانى ارضى امى وانى ابعد عنه بس احاول اساعده من بعيد وبكده يكون قدامى فرصه ان ارفض اى حد باى حجه طالما رضيتهم وبدات احاول اكرهه فيا عشان يبعد بس النتيجه انى حرجته وكانت فرصه لاصحابه انهم يقلبوه عليا مع انى بحبه جدا وكنت بعمل كده وقلبى بيتقطع بس عشان مصلحته وخصوصا ان اخويا هددنى ان لو مبعدتش عنه ممكن يأذيه كان هو ده الحل الوحيد قدامى ف بعض الاوقات صدق كلامى وكانت صدمه كبيره ليا بس سكت لانى انا عملت كده وف اوقات تانيه ضعفت ومقدرتش كنت ف صراع مع كل اللى حواليا ومفيش حد راحمنى ومع الاسف هو كمان كان بيضغط عليا عشان مبعدش عارفه انه بيعمل كده عشان بيحبنى بس انا اصلا كنت بموت مكنتش مستحمله ولما حسيت ان الوضع ف البيت هدأ رجعنا لبعض والرعب مالينا بنحاول نتمسك باى امل عشان نفضل سوا فضلت فتره طويله لحد معرفت ارجع شويه زى مكنت واحاول اخفف عنه مع انى محتاجه اللى يخفف عنى احنا دلوقت مع بعض بس الخوف عايش جوانا وانا الرعب هيموتنى مليون سؤال مش عارفه اجاوب عليه مليون حاجه بفكر فيها ومرعوبه من اللى هيحصل ياترى فيه امل طب ياترى هنبقى لبعض طب لو حصل مشكله هنعمل ايه طب لو حد من اهلى عرف هيحصل ايه بموت كل يوم من الرعب مش عارفه احلم باى حاجه زى مكنت الاول مش شايفه اى حاجه حلوه ورغم كده بحاول اظهرله انى مبسوطه وان مفيش مشاكل رغم انى محتاجاله اوى ونفسى اتكلم معاه واشكيله زى الاول ويخفف عنى بس بخاف ازوده هم وانا عارفه انه تعبان واصحابى مبتكلمش معاهم لان محدش مقتنع ان ممكن نكمل ومبحبش احس انى صعبانه على حد ساعات بقول طب لو ملناش نصيب مع بعض اتقابلنا ليه من الاول كل الحب دا يبقى مصيره الضياع دا يبقى حرااااااااااااااااااام والمصيبه انى مش عارفه اعمل حاجه عامله زى اللى بتلف ف دايره مقفوله تفكيرى مبيوصلنيش لحل مش قادره اساعده ولا اساعد نفسى انالا بقيت طاقيه البيت بمشاكله وهمه ولا حتى انى اخرج مش عايزه اشوف حد ولا اتكلم مع حد وبقفل عليا اوضتى وافضل افكر واحرق دمى ومبوصلش لحل ونفسى اقف ف مكان عالى واصوت يمكن ارتاح اصعب احساس هو احساس الظلم انك لما تعمل حاجه وتتعب فيها اوى ويجى حد يقولك دى تافهه بتكره نفسك وتحس ان بعد التعب دا كله وموصلش لحاجه بجد تعبت من التفكير ومش لاقيه حل اللى عنده حل ياريت يساعدنى ويقولى اعمل ايه
انا اسفه انا عارفه انى طولت عليكو بس انا تعبانه وكنت محتاجه اطلع اللى انا حاسه بيه
نفسى الاقى حل عشان نرتاح

يا حبيبتي ...................
بصراحة عيوني دمعت ..... انتي عايشة فكل ده؟
بصراحة حسيت باللي حواليك ظالمينك وامك اللي تقوللك سبيه وصحباتك
محدش شاف انك متعلقة بيه وللا فكر في مشاعرك
لاحول ولا قوة الا بالله بعض الاصدقاء..............
والحلوة اللي راحت تحكي لامك كل حاجة فاكرة نفسها عملت بطولة دا هية زادت الطين بلة
وانتي يا حرام كان شكلك بتفضفضلها وبس ومش ناقصة مشاكل مع امك.......
وحبيبك شكلو هو كمان عايش الرعب زيك.......
والله صدقيني انا اقول لك الكلام اللي نابع من قلبي واللي بحس بيه................................

لكن خلينا نبعد عن العواطف شوية ونتكلم بالعقل..............
اولا:
فين ربك وسط كل ده؟ انتي عارفة ان العلاقة خارج اطار الزواج محرمة؟ كيف ما كان نوعها؟ وان ربنا مابيباركش فيها؟ حتى لو اتولد بينكم حب؟ الحب ده حيلاقي مشااااااااااكل وتتلاطمو الامواج من كل ناحية.......

نصيحة:قربي من ربك واحتسبي الاجر عند الله وان شاء الله ربنا حيحللك مشاكلك ويحنن قلب اهلك عليكي

ثانيا:
باين عليكي بتحبي امك بس ماصعبتشي عليكي كل مرة تترجاكي تبعدي عنو وانتي قلبك مش مطاوعك.
ياحبيبتي مافيش احن من قلب الام هي بتحبك وبتخاف عليكي ارحمي امومتها....

نصيحة: اطلبي من امك السماح وافهميها انك مش حتخلفي وعدك معاها وهي حتسمحلك بقلبها الطيب دانتي من لحمها ودمها
"وقل رب ارحمهما كما ربياني صغيرا"

ثالثا:
انتي ماشاء الله عليكي بتدرسي حاولي تكملي عشان تزيدي ترفعي قيمتك عند اهلك
والدراسة بتنفعك في حياتك ان شاء الله

انا حاولت افيدك ويارب تتقبلي كلامي
ربنا يفك كربك ويحفظلك امك
اختك ريحانة

حبيبتي angel baby
الغالية ريحانة القلب ما قصرت
حبيبتي نحن نشعر بالعذاب اللي انتي فيه
بس دائما الأهل يرون بعقلهم ما لا يرى الأبناء بعواطفهم... و أهلك فقدوا الثقة فيك لأنك كل مرة توعديهم و تخلفي الوعد...
هم لا يكرهونك بس بيخافوا عليك و شايفين الموضوع بطريقة أخرى,,,
و ما مصير حب و لا زواج لا يباركه أهلك؟النتيجة انك لن تعيشي في سعادة...
عودي إلى ربك و فوضي أمرك إليه...اذا لك نصيب مع هذا الشخص فالله سيسهل هذا الأمر و اذا ما كان لك نصيب فيجب أن تتقبلي
ارادة الله و لو كان هذا صعبا...
أتمنى لك أن تحل كل مشاكلك قريبا إن شاء الله...و حذار أن تغضبي والديك مهما حصل ...

في البداية عزيزتي اشكرك على فتح قلبك لنا في منتدانا وان شاء الله سنساعدك خطوة بخطوة

عزيزتي :

اولا الحب ليس عيبا ولا حراما ولكن بالمعقول وبرضاء الاهل حتى يرضى الله عنك

واذا كان هذا الشخص يحبك فعلا رح ييجي ويطلب ايدك مرة ومرتين وثلاث
واهم شي انه انتي ما تقلبي اللي بيجو يطلبو ايدك

وما فيها شي لو تحديتي كل الدنيا من اجل ان تكونو من نصيب بعض

صديقيني هذا حب مش لعبة يعني لو لا سمح الله ما كان الكم نصيب ببعض رح تتعذبي طول حياتك
يعني ما تيأسي وحاولي مع اهلك واتخذي كل الاساليب الممكنة لاقعناعهم ودائما خلي الشخص اللي بحبك حاسس بالقدر من المتاعب اللي انتي بتواجهيها لاجله حتى هو ما ينسحب

اما بالنسبة لانك ترتبطي فيه بدون موافقة اهلك او دون علمهم فهذا اكبر غلط لانهم اهلك اولا واخيرا وما تحاولي اصلاح الغلط بغلط اكبر ولو كان في الكم نصيب ببعض رح تاخدو بعض غصبا عن كل الدنيا بس لازم تصبري وتتحملي وخلي الشخص اللي بتحبيه يحاول مرة ومرتين وتلاتة مو غلط

وكم من اثنين حبو بعض وكانو بنفس وضعكم لكنهم بالاصرار والصبر قدرو يعملو اللي بدهم اياه

طبعا هذا كله في حال انك متأكدة من حبه لك

واتمنى لك حياة سعيدة وان شالله بالتوفيق

واعتذر منك عزيزتي عن التأخير في الرد

وطمنينا شو بصير معك