الحب : ماهو كاملٍ / او مثالي !

السلام عليكم ..
جمع الله اوقاتكم بالسعادة والمطر </p>.
.



{}

تاخذني الذكرى على درب غالي
واحد ولا غيره : لَه القلب والبال
غالي وتدري .. بقيمته هالليالي
لاصار في وقتي مساحة واميال
على نزوفه ذقت انا المر : حالي
حيثِ إنّ لَه بالصدر مُهره وخيّال
وعلى حنينه موعدٍ : قد صفالي
ينساب وقته : بين رشفة وفنجال
والعمر ! تبقى ، قيمته في خيالي
لو كان ماهو زاهِيِ الوقت والحال
وتدري عذابي ، ياهوَى في وصالي
لا جرّ قلبي .. ذكرياته .. بِ موّال
موّال عَزفه : من شعور الغوالي
تشهقهِ : احزانِي .. وتزفرهِ : احوال
الحب ماهو : كاملٍ .. او مثالي
عشناه بجنونٍ ، وعشناهِ عقّال
تحييه ذكرَى ، صدرها مو شمالي
وتحكيهِ في دمع .. المواعيد : اطلال!

.
.

ودمتم بخير .. ​


الحب : ماهو كاملٍ / او مثالي !