رواية احب غرورة

السلام عليكم
شخباركم عساكم بخير
المهمم جبت لكم رواية تجنننن
انا اللي كاتبتها وللحين اكملها(ادعوا اني اكملها وما اتركهاا)

بالانستقرام منزلة البارتات بشكل صغير يعني تعوفون انستقرام مو زي المنتديات اكتب البارت وش طولة ووش عرضة
انا كل ما كتبت 3 بارتات 4 بارتات بالانستقرام بحطة بالمنتدى وانتوا كيفكم تنتظرون لين ما اكمله ولا تروحون للانستقرام وتتابعونه اول بأول
انا كل ما فضيت كتبت بارت يعني يمكن باسبوع اكتب 4 بارتات واسبوع اكتب بارتين
فيعني ع حسب فضاوتي
..
يلا نبدا

السلام عليكم هذه روايتي الأولى ان شاء الله تعجبكم بلييز لا تنسى اللايك والكومنت يحفزني

بسم الله …
سلاام كيف حالكم؟انا اسمي سجى عمري 27 سنةة اشتغل مصممة ديكور وعايشةة بمنطقةة مررااااااا بعيييدة مالا داعي اذكرها ابوي سعودي وامي اجنبية ماهي عربيةة،عندي اختين واخوين اللي هم
سارة ~عمرها 25 سنة تشتغل بالطوارئ
تركي~24 يشتغل مهندس معماري
وليد~20 يدرس إدارة اعمال
وتين~17 سنة لسى تدرس ثانوي
عندنا شوية مشاكل عائلية الا وهي ان اهل ابوي للحين بعد ذا العمر والعيال ماتقبلوا امي ولا راح يتقبلونها وماهم معترفين فيها اصلًا وكم مرا يحاولون يزوجون ابوي لوحدة من العائلة لكنه رااافض لانه يحب ماما من اول مرا شافها
كل شهرين ثلاثة يروح السعودية ويزورهم يجلس عندهم اسبوعين ثلاثة وبعدين يرجع لنا..نبدا الرواية؟

صحت مفزوعة من نومها وشافت الساعة:ي ربي متأخرة ساعة ونص راحت تركض للحمام:لا مافي وقت اترووش ان شاء الله ماتكون ريحة شعري خايسة
غسلت وجهها وفرشة اسنانها صلت ولبست بلوزة وبنطلون جينز لونهم ابيض وبالطوا طويل لونه هوت بينكك وعدلت شعرها وعطرته وتمكيججت بسسسسرعة وطلعت تركض وقفتها اختها:بسم الله سجى وش بلاك؟شفيك تركضين كأنك فلامينقو مع ذا البالطوا
سجى:وتينن اقول احسن لكك تروحين من قدامي احسن لك متأخرة ساعة ونص عن زبون مرا مهممم اذا سألت عني ماما قولي لها راحت لا تحسبوني بالغدا بتأخر
ركبت سيارتها البي ام دابليو ذو اللون الابيض وراحت للدوام
~~~~~~~~~
وصلت دوامها(المكتب اللي تشتغل فيه)
نزلت من السيارة وعدلت شكلها اوكي كل شي سليم ي رب يكون متأخر ي رب يكون متأخر ذا العميل مرراا مهمم مابي اضيعة من يدي
قامت تكرر ي رب متأخر لين ما دخلت سألت اول وحدة شافتها:هي بيلا..بيلا تعالي
بيلا راحت لها مستغربة:وش فيك؟
سجى:اسمعي شفتي واحد شكلة مليارديير ومدلللع ومتكبر وشايف نفسة وقصيير جا هنا؟
بيلا:امممم اعتقد شفته تقريبًا من ساعتين وهو هناكك جالس شوفيه
اول مالفت سجى شافتته جاي لجهتها ارتبكت وش بتقول له راحت علي نومة؟اكيد من بعدها ماراح يثق فيها وبيروح لغيرها خلاص بكذب عليهه بقول له اي شي ثاني.
وصلت لعندها وبصووت جهوري ابد اللي يشوف شكله ماراح يحسب ان ذا صوته كان صوته مراا رجولي:ليش متأخرة؟
سجى:اممم صارت عندي ظروف
جلس يناظرها:وش هي الظروف؟ممكن تذكرينها؟
سجى:ماما امس مسكينة طاحت وتعورت يدها ووديناها المستشفى وتونا من ساعة طالعين
ناظرها من فوق لتحت:توك جاية من المستشفى ولابسة كذا؟
سجى بنفسها”انا غبية غبيةة ليتني قلت له الحقيقةة بدل ذي التحقيقات معليش تحملي ذا مرا مهمم تحملي تحملي”:اي انا رحت بسرعةة ولبست ع السريععع انا الكل يسموني اسرع أمرأة تتجهز كل ذاا بنص ساعة☺️
طالعها بنص عين:اها اوك..طيب متى نبدا شغل ولا تبين نجلس وتقولين لي قصة حياتك ووش صار لامك بعدها؟
سجى:لا لا الحين نروح نتكلم تفضل من هنا
وقف وناظر لها:اوه نسيت اقول لكك مرا ثانية ي اسرع أمرأة بالعالم لما تتكشخين ليتك تكملينها وتغسلين شعركك افضل من انك تضيعين وقتكك ع اللبس ريحت شعرك صدعت راسي
ناظرتة بصدمةة بعدها نزلت راسها باحراجج كيف يقول هالكلام قدام العملاء والموظفين؟ ذا الطفل يبي له إعادة تربية من جديد.
~~~~~~~ في السعودية وتحديدًا بالرياض،الساعة 6:30 بالليل
السائق:الحمدلله ع السلامة استاذة سعود واستاذة تركي
سعود:الله يسلمك من كل شرر الله يعطيك العافيةة سوق بسرعةة ابي اوصل البيت تعبان من الرحلة
السائق:ابشر طال عمرك
تركي:اقول يبة يعورك شي؟تبي نمر المستشفى؟
سعود:لا لا بس جسمي يعورني من الطيارة ومانمت عدل بس اوصل بجلس شوي مع امي وابوي وبنام
….
في احد البيوت الكبيرة والراقية تسكن عائلة سعود(بو تركي) كانوا منتظرينه قدام الباب اول ما وصل راحت له امه بعكازتها وضمتة:يمة ي وليدي من زمان عنك
سعود:يمة كان ما تعبتي نفسك انا اجيك مو انتي اللي تجيني
ام فيصل:معليه ي وليدي مشتاقةة لكك…وانت شخباركك ي وليد؟
تركي وهو يبوس راسها:الحمدلله كل شي تمام..انتي بشريني عنك؟
ام فيصل:انا بخير دامني ابوك قدام نظري..ادخلوا جدكك ينتظركم داخل
دخلوا وسلموا ع الجد وراحوا غيروا ثيابهم ونزلوا تحت عشان يسولفون معاهم
الجدة:اقول شخبار سجى والباقي؟
سعود:الحمدلله بخير يسلمون عليك..وتسلم عليك زوجتي(صوفيا)كثير
الجدة وهي تكشر بوجهه:الله لا يسلمها هالكافرة
تركي وبصوت عالي:جدة..وش قصدك بكافرة؟امي الحمدلله مسلمةة وتعرف الله وتخاف منه ما اسمح لك تغلطين عليها
الجدة وبصوت حاد:امك لو تخاف الله ماكان سحرت ابوكك انا ما ادري وش شايف فيهاا،مافيها زود عن بناتنا شزينهم و ي حلوهم بس اكيد ذي الشيطان ساحرتةة ومغيرته علينا.
تركي كان بيرد بس قاطعة صوت ابوه:اقول وليد روح اعتذر لجدتكك وع غرفتك يلا
تركي:يبة!كيف ترضى احد يتكلم عن امي بسؤ؟
سعود:اقول تركي قووووووم يلا قدامي
تركي قام باس راسها ومشى بدون ما يقول كلمةة،ايوه كذا كل مرا لما يروحون لبيت جدتهم من ابوي يذكر امي بشي تكشر جدتي وتسبها وابوي ما يسوي بس يسمع وهو ساكت.
.
.
.
.
في المكتب مع سجى وذاك الوقح،كانت تجهز كم تصميم عشان يرضية بعد تعب وساعات استقر ع تصميم ولما قامت بتجهزهم عشان يقومون بتطبيقة:امم لو سمحت ممكن اعرف وش اسمك؟
ناظرها:اسمي رودي
سجى ناظرته باستغراب:رودي؟تمزح صح؟
بصوت حاد:ليه عندك مانع مع اسمي؟
سجى:لا لا بس الاسم ذا غريب اول مرا اسمع احد بذا الاسم،وامم ..كم عمرك؟
رودي:18سنة
سجى”هذا وهو صغير بذا الوقاحة والتكبر اجل اذا كبر وش بيسوي؟خوفي يبغى الناس تسجد له،مغتر بفلوسه ذا الطفل.
~~~~~~~~~~
*ملاحظة*
ترى الابطال اللي اسمائهم اجنبية ماهم سعودين بس انا خليت لهجتهم سعودية احسن من اني اكتب انجليزي او بالفصحى عشان بعض الكلمات بالفصحى ما تنفهم☹️ المهم…. في بيت ابو فيصل”ابو سعود”
سعود وهو يطق باب غرفة تركي:تركي افتح الباب ابي اكلمك
تركي:يبة ادخل الباب مفتوح
دخل سعود وجلس يم ولدة وطبطب ع ظهرة:اسمع ي ولدي اولًا انا اسف اني صرخت عليك..ثانيًا انت لازم تحترم جدتك وجدك مهمًا كان هم كبار ولازم تحترمهم صح؟
تركي:بس يبة انت عاجبك اللي يقولون عن امي؟يسبونها ويقذفونها ويسمونها بالكافرة قدامك وانت ما تسوي شي!
سعود:تركي..ذيلي امي وابوي ما اقدر ارفع صوتي عليهم ولو قالوا ايش،لا تعتقد اني ما احب امك ولا اني ضعيف شخصية بس انا عارف انهم كبار وهم ما يحبوها من الاساس عشان كذا ما اقول شي معذورين،تزوجة وحدة ماهي من العايلة ولا هي اصلًا عربية..وانت تعرف الناس ما ترحم يقعدون يتكلمون ويتكلمون كيف زوجتي ولدك اجنبية وكيف وكيف،وانت عارف كلام الحريم صح؟!
تركي:صح يبا
سعود:يلا يبا تامر ع شي قبل لا أنام؟
تركي وهو يبوس راس ابوه:ابي سلامتك ..تصبح ع خير
طلع سعود من هنا وتركي مسك الجوال من هنا
حط تركي الجوال ع اذنة وانتظر لين ما سمع الصوت اللي يوقف قلبة عشانة
المتصل:ألو تركي؟
تركي بصوت حنون:عيون تركي
المتصل:تركي شخبارك؟من زمان عنك
تركي:ولله وش اقول لك!توني جاي للرياض وتعرفين الدوام شاغلني..اقول ريم ابي اشوفك.
ريم:تركي حنا متفقين مع بعض نكلم بعض بس مانتقابل صح؟
تركي:بس ي ريم ودي اشوف شكلك ع الاقل وامسك يدينك
ريم:اسفة تركي ما اقدر اسوي كل ذا الا لما نتزوج.. وانا قلت لك من قبل صور ماراح ارسل لك ولا راح نتقابل.
تركي:بس
ريم:اسفة تركي لا
تركي:خلاص خلاص مابي شي..تصبحين ع خير
ريم:وانت من اهله باي”سكرت الخط”
تركي رمى الجوال:ذي كيف اجيب راسها واخليها تقابلني؟
استغفرالله العظيم بنام وبفكر بحل بكرا.

انتهى البارت
اللايكات والتعليقات تحفزني☹️

تراني جمعت 3 بارتات وحطيتهم ببارت واحد رواية احب غرورة