ياللي ندبت القاف

مجتمع رجيم / النقاش العام
كتبت : جذور
-
ياللي ندبت القاف والجو ……..كايف
جو حسين يشبه الكل….. …..مملوح
ذكرك في وصفه جميل….. الوصايف
هيض غرام بين الأضلاع ……مكبوح
بيحت بسبابه أمور ………..وصلايف
بقاف من الهاجوس بينت …بوضوح
قلبك خذاه من المزايين …….حايف
وأقفى وخلابك طواعين ……وجروح
غرو جهول ما يعذر ………..الولايف
اللي بنو له بالغلا برج …….وصروح
يابو جنى قبلك حصلي….. …كلايف
من الجفا والصد والبعد …..والنوح
أجلس خلا وأرقأ على كل …….نايف
وأرافق القيفان ويردد ……….الدوح
يانعنبوه الحب ما فيه…………رايف
هناه يوم والشقى باب ……..مفتوح
درب الهوى ماهو سهول… وخفايف
مثل الفصول الأربعة جوه ……يلوح
راع الهوى وإن حط ستر …..ولحايف
يتوه بالهاجوس ويصير… …مفضوح
لو كان فيه قلوب تعطا ……..سلايف
لا أخذك يا قلب به الحب ….مطروح
مكتوب والمكتوب وإن عشت شايف
لازم تشوف العين ماخط ……باللوح
سج القدم ورقأ على كل ……..هايف
شتت همومك بين ضحكات ومزوح
في خايع ممطور مابه……. عصايف
مع الرفيق اللي له الصدر… مشروح
سولف وكنك لو يطروه ………عايف
بعض الأوادم بالجفا يمك…… تروح
وليا حضر عده من الناس ….ضايف
اليا لفا حياه وإن راح ……..مسموح
كابر وخذلك من عزومك …..حلايف
رد إعتبار النفس هو طب …..للروح
تمت وباقي من هجوسي …صحايف
هواجس وده من الضيقه…… تبوح
من ماضي الخبره بها حس ….قايف
وفيها من اللهجات عامي ومفصوح​

ياللي ندبت القاف

التالي
السابق
كلمات ذات علاقة

المواضيع و التعليقات المنشورة لا تعبر عن رأي مجتمع رجيم ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

الخصوصية وشروط الاستخدام حقوق النشر والتأليف الاتصال بنا

Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0