السلام عليكم أخواتي أنا أول مرة أشارك معاكم بالمنتدى. .وحبيت أشوف رأيكم بموضوعي.. أنا متزوجة من ١٠ سنوات تقريبا وعندي ولدين وبنت وزوجي كان إنسان طيب وحنون وقبل سنة واشوي تغير عليا زوجي صارت تصرفاته غريبه جدا وصار عصبي ويفهم كل كلامي خطأ ويغلط عليا بالألفاظ ونهايتها ضربني ولحظتها خلاص صبري نفذ أتصلت على أبوي وأخواني وأخذوني ووقفوه عند حده بس اعتذر وندم وأحسه كان بيتجنن يوم شاف إنه بيقفدني وسوا كل شي ودفع مهر جديد حتى رجعت بس بعدها بشهر تقريبا رجع أخس من أول وصار يتلفظ علي مثل المجنون ويشك فيا ويتهمني وأشياء كثيرة دمرت نفسيتي وختمها بضرب بس هذي المرة وقفته عند حده ورحت لأهلي وطلعو لي ورقة من المستشفى بكل شي وقالو بيودونه للمحكمة عشان يتأدب بس رفضت حزنت على عيالي متعلقين بأبوهم مره وهو حنون عليهم وحاول يراضي بكل طريقة بس رفضت أرجع وهدد بأنه بينتحر بس رفض وقلت بكيفه وجا عند أهلي وجلس في سيارته في الشارع ٨ساعات ويرسل ويتصل ويقول خلوها تنزل لي والله بأموت من دونها بس رفضت وأهلي قالو له يروح وإلا بيبلغو الشرطة وبعدها خلاص وقف محاولات وأنا عشت حياتي عند أهلي صحيح كنت مصدومة بس حاولت أتغلب على كل شي وأقوي قلبي عشان نفسي وعيالي وانقطعت أخباره بس أهله ناس محترمين كلهم وقفو معايا حتى أمه وأخواته وماقاطعوني ولاقاطعو عيالهم ويجون من فترة لفترة بس أمه كانت تكلمني بإستمرار وتقول ولدي تعبان وتبكي قلبي كان يتقطع عليها بس قلت لها ماأقدر أرجع له حتى يتعالج أو نشوف إيش فيه..المهم قبل فترة قصيرة أرسل لي قال أبغى صور لعيالي وأرسلت له صور على الواتس وبعدها صار يحط مقاطع حزينه على صورهم المهم قلت لعيالي تواصلو مع أبوكم وردو عليه وصارو يردون عليه وأحس في رسايله إنه بيطير من الفرح بس اشوي وصار يرسل صور له ويرسل بمقاطع صوتيه ومقاطع أحسها موجهه لي مو لعياله ويقول أحبك يقصد بنته ويقول مستحيل أنساك ...بس أنا خليت عياله يتواصلون مافهمته لو كان يبغى يعتذر أو يقدم شي كان اعتذر..محتارة معاه بالرغم من فترة انقاطعنا عن بعض قالت لي سلفتي إن أصدقاءه بالدوام عرضو عليه قريباتهم عشان يتزوج بس كان يرفض ويقول مافي قلبي إلا أم البراء..وأهله كان يتهرب منهم وعايش لحاله كل ذي الفترة ...أبوي قال إذا تبغين تخليعنه فعادي بس أمي رفضت قالت مسكين يمكن مريض أو مسحور وأنا للحين صابره وساكته و محتارة معاه
