غمضت عيني ، ?

مجتمع رجيم / النقاش العام
كتبت : جذور
-
بهرتلك دلة قصيدي على النار
فنجالها راسي وقلبي قدوعك

ومجلاسك بعيني وعيني لك الدار
وقلبي تتكآبه على حد كوعك

عن وصلنا مابي تقدم لي اعذاار
وعن حبنا مابيك تعلن رجوووعك

تعال يكفي عناد لاعاد تحتااار
نوّر حياتي فيك واشعل شموعك

بسقي جفافك والصحاري بك انهار
من اول اغصانك الى آخر فروووعك

قلبك مثل لون السماء بعد الامطاار
والشمس عينك وقت لحظة طلوعك

لو تعلنين الحرب ، او تبغي الثآار
قلب ٍ سكنتي فيه يكسر درووعك

خايف جنوني فيك ياخذني اشهآار
محجوز بالغرفه وحاالي يروعك

صمتي دليل اني من الناس منهااار
بعض الخفايا يمكن انها تلووعك

غمضت عيني ، عن سواليف واسرار
واشياء تجهل ، عن خفايا ربووعك

سبحان من بدّل حلا الوقت ، بأمراار
واصبحت رغم الحب! تحت آمر طوعك