ذيبه عوا

مجتمع رجيم / النقاش العام
كتبت : جذور
-
أول تجي مشتاق ودور ……..إعناق

تبغى اللقاء بأقصر طريق إختصرته

أكثر تعابيرك أنا أبيك …..مشتاااق

ليلي بدونك بالنكاده ………سهرته

تعال ياشمس الدفأ شمس الأشراق

الروح ما فيها سوى شخصك ..إنته

صورت لي حبك تصاوير …..عشاق

بذر الهوى في وسط صدري بذرته

حركت بحروف الغلا جذع ..الأعماق

أيقظت بي حب الهوى اللي ..تركته

بعيونك اللي بالدلع ترسل ..أشواق

والمبسم اللي دون ماأشرب سكرته

جيتك عجول مندفع لك …..وتواق

وش حيلة فؤادي لحبك …….ندهته

في حسنك الباهر مع حسن الأخلاق

شف هاتفي بجنون رقمي ….زهمته

جيتك وفاء ماجيت لك زيف ونفاق

الوقت وظروفه عشانك ……..جبرته

جيتك اروق خاطرك كل …….ماضاق

شهور مرت خاطرك ما ………كسرته

رغم إني إعرف ما تخفيه……الأرواق

وأصمت ويبقى حبنا ……ما جرحته

اليوم أشوفك ناوي نية….. …إفراق

والماضي اللي فات رحت …..ونكرته

ماكننا وياك خلان ………….وإرفاق

أخذتنا سلوة فراغك ………..ونلته

بدلتنا بصحاب وأبعدت …..الأرماق

واللي وفاء وياك بالوقت …..خنته

هزت معاصير الجفاء منك الأوراق

وورد زرعته فيك ما أسرع ..قطفته

تعال يكفيني غرابيل ……..وإرهاق

عطني على جفواك ذنب ..إقترفته

لا ماتروح وداخلي مشعل.. إحراق

الطيب ضده عندنا ما ……عرفته

قلب متيم فيك من صدتك.. فاق

ذيبه عوا يومك مع الغير ….بعته