الله يسعد مساء الجميع
يا حبيبي صار نسيانك محالي
فيك اهوجس : ما لمع برقٍ وناض
واتعذب في غرامك .. وانت سالي
واتوجد لين دمع العين : فاض
ياوجودي من غلاك وبري حالي
خطرٍ آرد من سبب حبك حياض
المنايا : مد لي حب الوصالي
انت شفي وانت لي خصمٍ وقاض
لي طلب وابغاك لو بالحيل غالي
لا تواجه مطلبي .. بالاعتراض
مثل حب الدحه ،
بقلب الشمالي
حبني : لكن بطوعك وانت راض
واوف لي بالعهد لو الوقت طالي
مثل ما أوفى للرياض أهل الرياض
