مجرد رأي وأرجوكم تفكرو فيه!!!

مجتمع رجيم / الآراء والشكاوى والاقتراحات
كتبت : الراجيةلعفوه
-
السلام عليكم ورحمة الله وبركاته

انا عاوزه اقول بس رايي لو تسمحولي في موضوع تقسيم السور للحفظ كل 3 ايام ..
يا بنات السور دلوقتى لسه ماكبرتش ونقدر نحفظها في اسبوع اللى يخلينا نقسمها 3 ايام و3 ايام طيب ما أنتى عندك ال7 ايام كامله قسميها انتى لنفسك واحفظى السوره خلال الاسبوع كله من غير ماتتعبونا احنا معاكم في التقسيم اولا انا واحده من الناس مش هقدر اسمع السوره كامله مثلا واحنا علينا نصها بس انا مش بقول انى بحفظ احسن من حد ولا انى فاضية انا كمان مشغوله وبيكون ورايا الف حاجه ورايا شغل الرساله بتاعتى ورايا كورساتى اللى بداتها وورايا تطبيقات للرساله بنزل وبروح اطبق على الناس بره البيت وعندى اطفال في البيت لهم التزامات ومذاكره وسعات شغل البيت لاننا اكتر من بنت في البيت لكن انا بحس باحباط جدا وتكاسل عن الحفظ لما بلاقينا ماشين ببطئ كتر التقسيم ده هيخلينا نتكاسل بزياده ماحدش يخاف من انه يقع مننا بعد كده لما السور تطول ولو حددنا على طول المصحف اسبوعيا لنا قد ايه في الحفظ ونكون ملتزمين بيه زى المساجد مابتعمل هما متجمعين زينا بالظبط من مختلف الطوائف المتزوجه واللى عندها اولاد وطالبات الجامعه المغتربين والمقيمين والامهات والعجائز وماحدش يقدر يقول انا مش فاضي لأ كل واحده عارفه ان عندها ربع حزب في الاسبوع لازم يتحفظ فكل واحده بتقسم بمعرفتها لنفسها ووقتها وقدرة حفظها طول الاسبوع لحد مايجي يوم التسميع .. يا بنات احنا السور اللى فيها الوقتى تقريبا ممكن تكون ربع حزب فتتحفظ كلها مره واحده لكن بعد كده مش معقول عشان حفظنا السور دى كامله هنحفظ اطول من كده مره واحده لا هتتقسم برضه لارباع الاحزاب وهكذا .


يا جماعه مهما كانت مشاغلنا عمرنا ماهنكون زي الامهات العجائز الكبار في السن والله كان معايا ستات عواجيز وجايين مع احفادهم وكنا بنحفظ ربع حزب في الاسبوع يعنى اكبر من السور اللى احنا فيها الوقتى بحاجه بسيطه يعنى نص صفحه مثلا وكانو بيحفظوها انا مش بقول انهم مشغولين لكن دول قدرتهم على الحفظ تكاد تكون معدومه من كبر سنهم والله كان فيهم اللى تخطى الستين وكانو بيحفظو وماشاء الله الوقتى وصلو لسوره النساء وهما بدأين بس من اشهر مش من سنين احنا ليه مكسلين نفسنا كده لما نوصل للسور الكبيره كده كده هنقسمها وناخد منها عدد ايات قد السور اللى احنا فيها او ربع حزب بربع حب احنا لو بنحفظ ربع حزب في الاسبوع هنختم القران في 5 سنين ....ماتكسلوش كده يا جماعه وشجعو نفسكم شويه دا انتم لو حفغظتو كل يوم 3 ايات هنلخص قبل الاسبوع بس كل واحده بقى تقسم السوره مع نفسها في البيت وهى بتحفظ لكن تقسمها كده اننا نسمع كل 3 ايام دى بصراحه صعبه جداااوهتعمل لبخه جامده جداااااااااا عندى انا نبقى عارفين اانا مثلا اسبوعيا لنا قد كذاا من الحفظ وليكن ربع حزب او اقل شوفو انتم لكن كل 3 ايام دى صعبه ...
ده كان رأيي وارجوكم تفكرو فيه !!!!
كتبت : broken_rony
-
منمن حبيبتى انا متفقه معك فى كلامك جدا 0انا مش معترضة على انك تقسمى لنفسك الحفظ ما تقسمية تسمعى حبة فى صفحة الحفظ وبعد 3 ايام اكتبى تكمله للحفظ زى ما ناس كتير بيعملو بس انتى كدة هتحجمى الامور للكل مش هلاحق فعلا لكن لو جيتى اخر الاسبوع وسمعتى الكم المعتدل هتكون الامور افضل
وعلى فكرة فى السور الكبيرة اكيد مسلمه هتقسمها لينا كل اسبوع هتدينا كم معين
انا بصراحه غير موافقه على الاقتراح انا شايفة ان النظام المتبع كويس ومناسب ومش شايفه ان الكم اللى بناخدة فى الاسبوع كتير اة صحيح انا فى الحلقة التانية غير منتظمة ولكن ظروف طارئه ولما بدخل الحلقة مش بحس ان الكم كتير على الاسبوع لو انتى قسمتية مع نفسك ومسلمه بتابع الحفظ
اتمنى بس تفكروا لان كل منا ليه ظروفة مش ممكن كل يومين هندخل نسمع لكم لما بتجمعى تسميع الاسبوع مرة واحدة بيكون افضل طبعا على حسب استعدادك فى ناس تقدر تسمع كل 3 ايام وتقسم الحفظ وفى ناس بتجمع الحفظ وتحفظ فى نهاية الاسبوع ودا اللى انا بعملة ايا كان الكم بس بيبقى قدامى فرصة من اول الاسبوع لاخرة
واتمنى ان ربنا يرشدنا ويهدينا للى فيه الخير
كتبت : broken_rony
-
على فكرة نسيت اقولكم يا جماعه انتو كدة بتزودوا عبء المشرفين جدا
هما كمان عندهم مسئوليات
كتبت : الراجيةلعفوه
-
ممتازه يا رانيا احيي فيكي رايك
كتبت : سحر هنو
-
كتبت : ام العبدين
-
حبيبتي الراجيه الى عفوة جزاكي الله خيرا واعانك واتم عليكي تحضير رسالتك بالنجاح والتفوق ان شاء الله اما بالنسبة لاقتراحك فانا مع حبيبتي brokenوانا ايضا ارى ان النظام المتبع جيد ومع ذالك شكرا لكي حبيبتي وجزاكي الله خيرا
الصفحات 1 2