ركن الراحة النفسية

أهلا و سهلا
و أسفة على تأخير كنت بأجازة و الحين رجعت
و أكون معاكم خطوة خطوة
و المهم شو الموضوع لولو
أنا عن نفسي متزوجة و عندي ولد ( يوسف ) :o
و عقبال العزابية shifty

هاي عبير و سكون حبيبات عمري

على فكره انا بموت باسم يوسف و كنت دايما اتمنى لما اتزوج و اجيب ولد اسميه يوسف

( في حال مو اسم ابوه هيك :p )

الموضوع هو


لو اتقدم لصبيه عاريس

كيف لازم تحكم عليه اذا منيح او لاء ( قصدي مناسب الها )

من الدين و الوضع المادي و الشخصية و الدراسة ( و كل النواحي يالي لازم تحكم عليها قبل الموافقة)

و شو ممكن نتنازل عنو مقابل و جود ميزه تانيه موجودة.

مو عارفه اعبر عن يالي في بالي ب الكتابه

عنجد الحكي اسهل

بس بتمنى تكونو فهمتو علي ( عبير و سكون كيف وافقتو على ازواجكم ؟؟ و على شو اطلعتو لما وافقتو؟ )

ok حبيبتي هيك السؤال وضح
بالنسبة إلي زوجي هو ابن عمي بس الخطبة ما كانت تقليدية
يعني حبينا بعض هو بالبداية اللي جذبني ل محمد(زوجي) أفكاره المنفتحة
وأكيد لازم يكون دارس لأنو التفاهم بيكون صعب (وليس معدوم)لما بيكون غير هيك
والحمد لله كان طالب بكلية الطب يعني مستقبله مضمون اللي ما بيجي من المادة هلق
بيجي بعدين يعني المادة مو كتير مهمة هلق
أي التفكير كان بجوهر الشخص
واللي جذبه إلي كمان شخصيتي

عبورة فرحتيني كتير انك ماخدتيه عن حب

لانو روعة تاخدي واحد بتعرفيه من قبل و تكوني تتمنى تمضي كل عمرك جنبو

الله يخليكم لبعض يا رب و يزيد حبكم يوم عن يوم

و يسلملي رايك شو لزيز متلك

ترنيمة

بتمنى اشوفك منورة الموضوع من جديد shifty

أهلين لولو
تسلمي حبيبة قلبي ( إنشاء الله يطله زوجك أسمه يوسف shifty )

أنا كمان أخذت زوجي عن طريق حب :o ( حبيب قلبي و الله )

كتير حبيت فيه شخصيته المرحه القيادة + أدبه + طبعا الحبيب مثقف و تخصصة الإدارة بس درس تجارة

مو مهم المال بنسبالي و لا المظهر ( علما إن زوجي أسمراني و أنا بيضة ) بس ما أهتميت لأني كنت مهتمة لقلبه


الحمد الله ذو خلق و عائلة معروفة



و كثير أحبه و ما يرفضلي طلب ( اللهم لا حسد ) unsure